Yoshua 17:18 - BAIBLO ALOO NGMAMI KLƆUKLƆU Ɔ

¹⁸ Yo nɔ zugba a maa pee nyɛ nɔ́. Akɛnɛ hue ngɛ lejɛ ɔ he je ɔ, nyɛɛ gba hue ɔ, nɛ nyɛɛ ngɔ, kɛ zugba nɛ tsa nɔ kɛ yaa a tsuo. E ngɛ mi kaa Kanaan bi ɔmɛ ngɛ dade ta zugba lɛhi nɛ a he wa mohu, se nyɛ maa fie mɛ kɛ̃.”

Yoshua 17:18 ပူးပေါင်းရင်းမြစ်များ

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

Samuel II, 18:6

David tabo ɔ, kɛ Israel bi ɔmɛ ya hwu ta ngɛ Efraim hue ɔ mi,

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Hebribi 13:6

Lɛɛ nyɛ ha waa kɛ kã nɛ de ke, “Nyɔmtsɛ ɔ ji ye he piɛlɔ, i be gbeye yee. Mɛni adesa ma nyɛ maa pee mi?”

Yoshua 13:6

Sidon bi ɔmɛ a zugba a tsuo nɛ ngɛ kɛ je Lebanon yo ɔmɛ a nɔ kɛ ya su Misrefot Maim pa a nya a hu piɛ he. Imi nitsɛ ma fie nimli nɛ ɔmɛ kɛ je Israel bi ɔmɛ a blɔ ɔ mi. Moo lɛɛ moo dla zugba a ngɔ ha Israel bi ɔmɛ, nɛ e pee a weto ní, kaa bɔ nɛ i fa mo ɔ.

Yoshua 15:9

Huzu ɔ kple si kɛ ba Neftoa pa a nya, nɛ e tsa nɔ kɛ ya na ma nɛ ngɛ Efron yo ɔ kasa nya a, nɛ e lɔgɔ kɛ ho Baala ya. (Baala biɛ kpa ji Kiriat Yearim.)

Yoshua 17:17

Yoshua de Yosef we ɔ nɛ ji Efraim kɛ Manase fa a ke, “Niinɛ, nyɛ he hiɛ, nɛ nyɛ he wa saminya; lɔ ɔ he ɔ, pi zugba a mi dlami kake pɛ nɛ nyɛ ma na.

Yoshua 20:7

Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.