Yoshua 17:13 - BAIBLO ALOO NGMAMI KLƆUKLƆU Ɔ

¹³ Benɛ Israel bi ɔmɛ a he ba wa pe kekle ɔ po, a fie we Kanaan bi ɔmɛ tsuo, se mohu a nyɛ a nɔ nɛ a tsu ní ha mɛ.

Yoshua 17:13 ပူးပေါင်းရင်းမြစ်များ

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Samuel II, 3:1

Ta nɛ Saul we ɔ, kɛ David we ɔ hwu ɔ, ta a se kɛ saminya. Be mi nɛ David he wami ngɛ nɔ puee ɔ, Saul we ɔ lɛɛ a he wami nɔ ngɛ gbɔe kulaa.

Manyadali 1:35

Amor bi ɔmɛ hi Heres yo ɔ nɔ, Aiyalon, kɛ Shaalbim; se Yosef nina nɛ ji Efraim kɛ Manase ɔ, a nine si wa ngɛ Amor bi ɔmɛ a nɔ, nɛ a nyɛ a nɔ nɛ a tsu ní ha mɛ.

Manyadali 1:33

Naftali bi ɔmɛ fie we Bet Shemesh, kɛ Bet Anat bi ɔmɛ. Naftali bi ɔmɛ, kɛ Kanaan bi nɛ ɔmɛ nɛ ngɛ zugba a nɔ ɔ hi si; se mohu a nyɛ Bet Shemesh, kɛ Bet Anat bi ɔmɛ a nɔ nɛ a tsu ní ha mɛ.

Manyadali 1:30

Zebulun bi ɔmɛ fie we Kitron, kɛ Nahala bi ɔmɛ. Kanaan bi nɛ ɔmɛ kɛ mɛ hi si; se mohu Israel bi ɔmɛ nyɛ a nɔ nɛ a tsu ní ha mɛ.

Manyadali 1:28

Benɛ Israel bi ɔmɛ a he ba wa a, a fie we Kanaan bi ɔmɛ kɛ ji zugba a nɔ pɛsɛpɛsɛ; se mohu a nyɛ a nɔ, nɛ a tsu ní ha mɛ.

Mose I, 49:15

E na kaa e na zugba kpakpa, nɛ e sihi he ɔ hu ngɔɔ. Lɔ ɔ he ɔ, e ba si nɛ e tloo tlomi, Nɛ e plɛɛ pee nyɔguɛ.