Yoshua 16:3 - BAIBLO ALOO NGMAMI KLƆUKLƆU Ɔ

³ Huzu ɔ ma e yi si kɛ gu bonyoku je kɛ ya na Yaflet bi ɔmɛ a huzu ɔ, nɛ e tsa nɔ kɛ ya su Bet Horon sisi ɔ tɔɔ; e ya su Gezer hulɔ, nɛ e nya ya pi Mediterenia wo ɔ.

Yoshua 16:3 ပူးပေါင်းရင်းမြစ်များ

Kronika II, 8:5

E po ma nɛ ɔmɛ hu ehe: Bet Horon nɛ ngɛ yiti je ɔ, kɛ Bet Horon nɛ ngɛ sisi je ɔ. E fia gbogbo ngɔ wo ma nɛ ɔmɛ a he, nɛ e wo a nya agbohi kɛ a se lami dade.

Yoshua 18:13

Huzu ɔ je lejɛ ɔ kɛ nyɛɛ leneyi je kɛ gu Luz nɛ a tsɛɛ lɛ Betel ɔ, kɛ kple si kɛ ho Atarot Adar ya, ngɛ yo ɔ nɛ ngɛ Bet Horon sisi ɔ leneyi je.

Yoshua 10:33

Gezer matsɛ, Horam, kɛ e ta a ba konɛ a ba piɛ Lakish he. Se Yoshua gbe matsɛ ɔ, kɛ e ta a tsuo pɛpɛɛpɛ; nɔ kake po píɛ.

Kronika I, 7:28

Zugba nɛ a nine su nɔ nɛ a hi nɔ ji Betel, kɛ kɔpehi nɛ bɔle ma a, kɛ ya si Naaran ngɛ beleku je, kɛ Gezer, kɛ kɔpehi nɛ bɔle ma a ngɛ bonyoku je. Shekem kɛ Aya, kɛ kɔpehi nɛ bɔle ma nɛ ɔmɛ hu ngɛ zugba a mi.

Kronika I, 7:24

Efraim ngɛ biyo nɛ a tsɛɛ lɛ Sheera. Lɛ ji nɔ nɛ to ma nɛ ɔmɛ a sisi: yiti je Bet Horon, dɔ si je Bet Horon, kɛ Uzen Sheera.

Mose IV, 34:6

“Nyɛ huzu ɔ ngɛ bonyoku je ɔ maa pee Mediterenia wo ɔ.

Samuel I, 13:18

kuu enyɔne ɔ gu Bet Horon blɔ, nɛ kuu nɛ ji etɛ ɔ hu gu Geba blɔ, ngɛ huzu ɔ nɛ ngɛ kɛ yaa Zeboim kɔ̃ ɔ mi blɔ ɔ kɛ ho nga a nɔ ya.

Kronika I, 20:4

Enɛ ɔ se ɔ, Israel bi ɔmɛ, kɛ Filisti bi ɔmɛ hwu ta ekohu ngɛ Gezer. Benɛ a ngɛ ta nɛ ɔ hwue ɔ, Israel no ko nɛ a tsɛɛ lɛ Sibekai gbe Filisti oblai ko nɛ a tsɛɛ lɛ Sipai. Nɛ Filisti bi ɔmɛ ha yi.