Yoshua 16:2 - BAIBLO ALOO NGMAMI KLƆUKLƆU Ɔ

² E tsa nɔ kɛ ya gu Luz; nɛ e po mi kɛ ho Atarot Adar, he nɛ Ark bi ɔmɛ hi ɔ ya.

Yoshua 16:2 ပူးပေါင်းရင်းမြစ်များ

Yoshua 18:13

Huzu ɔ je lejɛ ɔ kɛ nyɛɛ leneyi je kɛ gu Luz nɛ a tsɛɛ lɛ Betel ɔ, kɛ kple si kɛ ho Atarot Adar ya, ngɛ yo ɔ nɛ ngɛ Bet Horon sisi ɔ leneyi je.

Mose I, 28:19

E wo lejɛ ɔ biɛ ke Betel, se sa a, a tsɛɛ ma nɛ ngɛ lejɛ ɔ ke Luz.

Kronika I, 27:33

Ahitofel ji matsɛ ɔ ga wolɔ, nɛ Ark no ɔ nɛ a tsɛɛ lɛ Hushai ɔ ji matsɛ ɔ huɛ.

Samuel II, 16:16

Benɛ David huɛ Hushai, Arki no ɔ ba su Absalom ngɔ ɔ, e hwɔ lele, nɛ e de ke, “Manye oo, manye! Manye oo, manye!”

Samuel II, 15:32

Benɛ David ya su yo ɔ yi mi he nɛ a dla kɛ ha Mawu jami ɔ, Hushai, Arki no ɔ ba kpee lɛ kɛ e hiɔwe tade nɛ hía, kɛ e yi mi zu.

Kronika I, 7:28

Zugba nɛ a nine su nɔ nɛ a hi nɔ ji Betel, kɛ kɔpehi nɛ bɔle ma a, kɛ ya si Naaran ngɛ beleku je, kɛ Gezer, kɛ kɔpehi nɛ bɔle ma a ngɛ bonyoku je. Shekem kɛ Aya, kɛ kɔpehi nɛ bɔle ma nɛ ɔmɛ hu ngɛ zugba a mi.

Samuel II, 15:37

David huɛ Hushai ba su Yerusalem be mi nɛ Absalom hu maa ho ma a mi sɛmi ya.