Yoshua 15:8 - BAIBLO ALOO NGMAMI KLƆUKLƆU Ɔ

⁸ Jehanɛ, huzu ɔ nyɛɛ Hinom kɔ̃ ɔ mi kɛ kuɔ yo ɔ ngɛ leneyi je, he nɛ Yebus bi ɔmɛ ma Yerusalem ngɛ ɔ. Huzu ɔ kuɔ yo ɔ ngɛ bonyoku je, kɛ ya gu Refaim kɔ̃ ɔ we omleyi je.

Yoshua 15:8 ပူးပေါင်းရင်းမြစ်များ

Samuel II, 5:18

Filisti bi ɔmɛ ba nɛ a ba gba wo Refaim kɔ̃ ɔ mi.

Samuel II, 5:22

Se Filisti bi ɔmɛ kpale a se nɛ a ya pue si ngɛ Refaim kɔ̃ ɔ mi ekohu.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Kronika I, 11:4

Enɛ ɔ se ɔ, Matsɛ David kɛ Israel ma a tsuo ho nɛ a ya tua Yerusalem. Jamɛ a be ɔ mi ɔ, biɛ nɛ a kɛ tsɛɔ ma nɛ ɔ ji Yebus; nɛ Yebus bi nɛ ji zugbatsɛmɛ ɔmɛ ngɛ lejɛ ɔ kɛ mwɔɔ.

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Nehemia 11:30

Zanoa Adulam, kɛ a he kɔpe ɔmɛ a mi. A hi Lakish kɛ ngmɔ ɔmɛ nɛ ngɛ e kasa nya a a nɔ, kɛ Azeka, kɛ e he kɔpe ɔmɛ a mi. E nya tsɔɔmi ji Yuda bi ɔmɛ hi zugba nɛ ngɛ kɛ je Beersheba ngɛ leneyi je kɛ ya si Hinon kɔ̃ ɔ mi ngɛ omleyi je ɔ nɔ.

Yesaya 17:5

Israel zugba a maa pee kaa ngmɔ nɛ a kpɔ e nɔ blɛfo tsuo ta, loo kaa bɔ nɛ Refaim kɔ̃ ɔ mi peeɔ falifali ke a kpɛte ní ta lejɛ ɔ.

Yeremia 19:14

Kɛkɛ nɛ i je Tofet, he nɛ Yawɛ tsɔ mi ke ma ya fiɛ e munyu ɔ ngɛ ɔ. Nɛ́ i je lejɛ ɔ, i ba da si ngɛ Yawɛ we ɔ kue ɔ mi, nɛ i de ma a tsuo ke,

Yeremia 19:2

nɛ i kɛ mɛ wa ya gu buɛ sɔli agbo ɔ mi kɛ ya Hinom kɔ̃ ɔ mi. Sɛ gbi nɛ Yawɛ ma ha mi ɔ, ma ya fiɛ ngɛ lejɛ ɔ.

Yeremia 19:6

Lɔ ɔ he ɔ, be ma nɛ a be hiɛ ɔ tsɛe ke Tofet, loo Hinom kɔ̃ mi hu. Mohu ɔ, biɛ nɛ a kɛ ma tsɛ lɛ ji kɔ̃ nɛ a pueɔ muɔ si ngɛ mi.

Yoshua 15:63

Yuda bi ɔmɛ nyɛ we nɛ a fie Yebus bi ɔmɛ nɛ hi Yerusalem ɔ kɛ je lejɛ ɔ. Lɔ ɔ he ɔ, Yebus bi ɔmɛ kɛ Yuda bi ɔmɛ ngɛ Yerusalem kɛ mwɔɔ.

Yoshua 18:16

Jehanɛ, huzu ɔ kple si kɛ ho yo ɔ nɛ ngɛ Hinom kɔ̃ ɔ mi ɔ kuɔ si ya, ngɛ Refaim kɔ̃ ɔ omleyi je. E gu Hinom kɔ̃ ɔ mi, ngɛ Yebus bi ɔmɛ a yoku ɔ leneyi je, kɛ ho Enrogel ya.

Yoshua 18:28

Zela, Haelef, Yebus (loo Yerusalem), Gibea, kɛ Kiriat Yearim. E peeɔ ma nyɔngma kɛ eywiɛ kɛ a he kɔpehi. Zugba nɛ Benyamin bi ɔmɛ ná kaa a weto ní we puɔ nya we puɔ nya ji nɛ ɔ nɛ.

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Manyadali 1:8

Yuda bi ɔmɛ ya tua Yerusalem, nɛ a ngɔ ma a. A kɛ klaate gbe ma mi bi ɔmɛ, nɛ a mɛ ma a he la.

Manyadali 19:10

Se nyumu ɔ kplɛɛ we kaa e maa hwɔ lejɛ ɔ jamɛ a ligbi ɔ. E kɛ e plã a, e tsɔlɔ ɔ, kɛ teji enyɔ ɔmɛ nɛ a wo a nɔ ní ɔ pue nɔ kɛ ya si a ya su Yebus (nɛ ji Yerusalem) hanɔ.