Yoshua 15:7 - BAIBLO ALOO NGMAMI KLƆUKLƆU Ɔ

⁷ Kɛ je lejɛ ɔ, huzu ɔ ya gu Haomi kɔ̃ ɔ mi kɛ ya su Debir, nɛ e lɔgɔ kɛ gu Gilgal ngɛ Adumim yo kpɛ blɔ ɔ nɔ ngɛ kɔ̃ ɔ leneyi je. Huzu ɔ tsa nɔ kɛ ya gu Enshemesh pa a nya kɛ ya su Enrogel.

Yoshua 15:7 ပူးပေါင်းရင်းမြစ်များ

Samuel II, 17:17

Jamɛ a be ɔ, Yonatan kɛ Ahimaaz ngɛ mlɛe ngɛ Enrogel pa a he ngɛ Yerusalem kasa nya. Nɛ́ nɔ ko kó na mɛ he je ɔ, a yɛ ma a mi. Ke pee ɔ, mawayo ko kɛ sɛ gbi ya haa mɛ, kɛkɛ mɛ hu a ya de David.

Matsɛmɛ I, 1:9

Ligbi ko ɔ, Adoniya ya gbe to, na, kɛ lohwehi nɛ wo zɔ ngɛ tɛ sa ko nɛ a tsɛɛ sinɔ tɛ sa a nɔ, ngɛ Enrogel kasa nya; nɛ e kpee e nyɛmimɛ ɔmɛ tsuo nɛ ji Matsɛ David binyumu kpa amɛ, kɛ matsɛ tsɔli ɔmɛ tsuo nɛ je Yuda a.

Yesaya 65:10

Ye ma a mi bi nɛ hlaa ye se blɔ ɔ, Sharon nga a nɔ maa pee a to lɛmi he, nɛ Haomi kɔ̃ ɔ mi ji he nɛ a nahi maa jɔɔ a he ngɛ.

Yoshua 10:43

Enɛ ɔ se ɔ, Yoshua kɛ Israel tabo ɔ tsuo kpale a se kɛ ba ma sito he ɔ ngɛ Gilgal.

Yoshua 15:15

Benɛ Kaleb je lejɛ ɔ, e ya tua Debir, nɛ sa a, a tsɛɛ lɛ Kiriat Sefer ɔ.

Yoshua 15:6

su Bet Hogla, nɛ e ya be ngɛ kpongu ɔ nɛ ngɛ Yordan kɔ̃ ɔ he ɔ omleyi je. E kuɔ kɛ ya gu Bohan tɛ ɔ he. (Bohan ji Ruben binyumu ko.)

Yoshua 18:17

Huzu ɔ gba kɛ je omleyi je kɛ ya Enshemesh, nɛ e tsa nɔ kɛ ya su Gelilot ngɛ Adumim yo kpɛ blɔ ɔ hanɔ. Jehanɛ e kple si kɛ ya su Bohan tɛ ɔ he. (Bohan ji Ruben binyumu ko).

Yoshua 4:19

Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Yoshua 7:24

Kɛkɛ nɛ Yoshua kɛ Israel bi ɔmɛ tsuo nu Akan, Zera bi ɔ, e binyumu ɔmɛ, e biyi ɔmɛ, kɛ e we mi lohwe ɔmɛ tsuo: na, teji, kɛ to. Jehanɛ, a muɔ e bo tsu ɔ, kɛ musu ní ɔmɛ nɛ ji sika hiɔ ɔ, bo ɔ, sika tsu kpɔ kake ɔ, kɛ e nɔ́ tsuaa nɔ́. A kɛ nimli ɔmɛ, lohwe ɔmɛ, kɛ ní ɔmɛ tsuo ho Haomi Kɔ̃ ɔ mi ya.

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.