Yoshua 15:55 - BAIBLO ALOO NGMAMI KLƆUKLƆU Ɔ

⁵⁵ Ekomɛ hu ji Maon, Karmel, Zif, Yuta,

Yoshua 15:55 ပူးပေါင်းရင်းမြစ်များ

Matsɛmɛ I, 18:42

Benɛ Ahab ho nɛ́ e ya ye ní ɔ, Eliya kuɔ Karmel yo ɔ kɛ ho e yi mi ya ya kpla si ngɛ zugba, nɛ e kɛ e yi wo e nakutso kpɛ.

Kronika I, 2:42

Yerameel nyɛminyumu Kaleb bitɛte ji Mesha. Mesha bi ji Zif, Zif bi ji Maresha, nɛ Maresha bi ji Hebron.

Kronika I, 2:45

Shamai bi ji Maon, nɛ Maon bi ji Betzur.

Kronika II, 11:8

Gat, Maresha, Zif,

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yoshua 15:24

Zif, Telem, Bealot,

Yoshua 15:54

Humta, Kiriat Arba (nɛ a tsɛɛ lɛ Hebron ɔ), kɛ Zior. E peeɔ ma nɛɛ kɛ a he kɔpehi.

Yoshua 15:56

Yezreel, Yokdeam, Zanoa,

Yoshua 19:26

Alam Melek, Amad, kɛ Mishal. A huzu ɔ nya su Karmel, kɛ Shihor Libnat ngɛ bonyoku je.

Yoshua 21:16

Ain, Yuta, Bet Shemesh, kɛ a he lohwe lɛmi zugbahi. E peeɔ ma nɛɛ ngɛ Yuda kɛ Simeon wɛtso ɔmɛ a mi.

Samuel I, 15:12

E nɔ jena mɔtu mla a, Samuel te si, konɛ e ya hla Saul. Se a de lɛ ke Saul ho Karmel, he nɛ e ma manye yemi kaimi nɔ́ kɛ ha lɛ nitsɛ e he ngɛ ɔ ya, nɛ e se kpalemi mi ɔ, e po mi kɛ ho Gilgal ya.

Samuel I, 23:24

Lɔ ɔ he ɔ, a sɛ Saul hlami, nɛ a kpale a se kɛ ho Zif ya. Jamɛ a be ɔ, David kɛ e we bi ɔmɛ ngɛ Maon nga a nɔ ngɛ kɔ̃ ko mi, ngɛ Yudea nga kplanaa a leneyi je.

Samuel I, 23:25

Benɛ Saul kɛ e we bi ɔmɛ ba nɛ a ba ngɛ David hlae ɔ, nɔ ko ba wo David tue nɔ. Lɔ ɔ he ɔ, e je lejɛ ɔ nɛ e ya hi tɛ sa yoku nɛ ngɛ Maon nga a nɔ ɔ mi. Benɛ Saul nu he ɔ, e nyɛɛ David se kɛ ho lejɛ ɔ ya.

Samuel I, 25:2

Nyumu ko hi si nɛ je Kaleb weku ɔ mi. E biɛ ji Nabal, nɛ e je Maon, se e ngɛ zugba ngɛ Karmel. Nyumu nɛ ɔ, niatsɛ nguaa ji lɛ; e ngɛ jijɔ akpe etɛ, kɛ apletsi hu akpe. E yo, Abigail ɔ he ngɛ fɛu saminya, nɛ e ngɛ juɛmi hulɔ. Se lɛ nyumu ɔ nitsɛ lɛɛ amimitsɛ kɛ nɔmlɔ nɛ be subai ji lɛ.

Samuel I, 25:7

I nu kaa o ngɛ o to ɔmɛ a he bwɔmi sãe. I ngɛ hae nɛ o le kaa o to hyɛli ɔmɛ kɛ wɔ ba hi si, nɛ wa pee we mɛ yayami ko. Jehanɛ hu, ligbi abɔ nɛ a ye ngɛ Karmel ɔ, a nɔ́ ko nɔ́ ko laa we.