E ba mi kaa a so Amazia yi nɔ ngɛ Yerusalem kaa a maa gbe lɛ. Lɔ ɔ he ɔ, e tu fo kɛ ho Lakish ya; se a tsɔ nihi kɛ nyɛɛ e se, nɛ a ya gbe lɛ ngɛ lejɛ ɔ.
Yuda matsɛ, Hezekia tsɔ ya de Asiria matsɛ ɔ ngɛ Lakish ke, “I tɔ o nɔ. I kpa mo pɛɛ nɛ o je ye zugba a nɔ; tue gblami saisaa nɛ o ma ha mi ɔ, ma pee.” Asiria matsɛ ɔ sɛ ke a ya de Yuda matsɛ, Hezekia ke e ba ha lɛ sika hiɔ kilo akpe nyɔngma, kɛ sika tsu kilo akpe.
Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.
Yosia ye jeha kpaanyɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyingmi etɛ kɛ kake. E nyɛ ji Yedida, Adaya nɛ je Bozkat biyo ɔ.
