Yoshua 15:14 - BAIBLO ALOO NGMAMI KLƆUKLƆU Ɔ

¹⁴ Kaleb fie Anak binyumu etɛ ɔmɛ kɛ je ma a mi. Mɛ ji Sheshai, Ahiman, kɛ Talmai.

Yoshua 15:14 ပူးပေါင်းရင်းမြစ်များ

Samuel II, 21:16

Kɛkɛ nɛ oblai ko nɛ a tsɛɛ lɛ Ishbibenob ɔ susu kaa e nine gbe David ta. Ishbibenob hɛɛ akɔblee akplɔ ko nɛ e jiimi maa pee kilo etɛ kɛ fa, nɛ e fi klaate ehe hu ngɛ e mlɛ mi.

Mose IV, 13:33

Benɛ wa na oblai agboagbo ɔmɛ, nɛ ji Anak bi ɔmɛ, nɛ wa ngɔ wa he ngɔ to a he ɔ, wa pee tsɔwitsɔwi kaa adodohi; nɛ jã kɛ̃ wa ngɛ ngɛ mɛ hu a hɛ mi.”

Mose V, 9:2

Oblaihi gojogojoo nɛ nyɛ nu nɛ a de ke nɔ ko nɔ ko nyɛ we mɛ ɔ ngɛ lejɛ ɔ.

Yoshua 11:21

Jamɛ a be ɔ mi ɔ, Yoshua ya kpata oblaihi a nina komɛ a hɛ mi. A tsɛɛ mɛ ke Anak bi. Nimli nɛ ɔmɛ hii Hebron, Debir, Anab, Yuda, kɛ Israel yo ɔmɛ tsuo a nɔ. Yoshua kpata ni ɔmɛ kɛ a ma amɛ tsuo a hɛ mi pɛsɛpɛsɛ.

Yoshua 11:22

Anak bi ɔmɛ a ti nɔ kake po píɛ ngɛ Israel bi ɔmɛ a zugba a nɔ; ja Gaza, Gat, kɛ Ashdod pɛ nɛ ni komɛ ngɛ.

Manyadali 1:10

Jehanɛ, Yuda bi ɔmɛ ya tua Kanaan bi nɛ ngɛ Hebron nɛ sa a, e biɛ ji Kiriat Arba a, nɛ a gbe Sheshai, Ahiman, kɛ Talmai bi ɔmɛ.

Manyadali 1:20

A kɛ Hebron ha Kaleb kaa bɔ nɛ Mose fa mɛ ɔ; nɛ e fie Anak binyumu etɛ ɔmɛ kɛ je lejɛ ɔ.