Yoshua 15:10 - BAIBLO ALOO NGMAMI KLƆUKLƆU Ɔ

¹⁰ Jehanɛ, huzu ɔ lɔgɔ Baala bonyoku je kɛ ho Seir yo ɔ he ya, nɛ e bɔle Yearim yo ɔ, (Yearim yo ɔ biɛ kpa ji Kesalon). Huzu ɔ kple si kɛ ya su Bet Shemesh, kɛ ya gu Timna.

Yoshua 15:10 ပူးပေါင်းရင်းမြစ်များ

Samuel II, 6:2

E kɛ mɛ tsuo ho Baala ya ngɛ Yuda, konɛ a ya ngɔ Mawu somi daka a ngɛ lejɛ ɔ kɛ ba. Somi daka nɛ ɔ, a kɛ Yawɛ Tabohiatsɛ ɔ nɛ ngɛ tsɛ yee ngɛ kerub ɔmɛ a nɔ ɔ biɛ tsɛɔ lɛ.

Matsɛmɛ II, 14:11

Se Amazia tsi e tue. Lɔ ɔ he ɔ, Israel matsɛ, Yehoash hia nɛ e kɛ Yuda matsɛ, Amazia ya kpe hɛ mi kɛ hɛ mi ngɛ ta nga nɔ, ngɛ Yuda ma a nɛ a tsɛɛ Bet Shemesh ɔ.

Kronika II, 28:18

Jamɛ a be ɔ mi nɔuu ɔ, Filisti bi ɔmɛ hu ba tua mahi nɛ ngɛ kɔ̃ ɔ mi ngɛ bonyoku je ɔ, kɛ mahi nɛ ngɛ Yuda leneyi je ɔ. Filisti bi ɔmɛ ngɔ ma nɛ ɔmɛ, nɛ a hi a mi: Bet Shemesh, Aiyalon, kɛ Gederot. A ngɔ Soko kɛ Timna, kɛ Gimzo, kɛ kɔpehi nɛ bɔle ma nɛ ɔmɛ.

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.

Yoshua 15:57

Kain, Gibea, kɛ Timna. E peeɔ ma nyɔngma kɛ a he kɔpehi.

Yoshua 19:38

Yiron, Migdalel, Horem, Betanat, Bet Shemesh. E peeɔ ma nyɔngma kɛ nɛɛ kɛ a he kɔpehi.

Yoshua 21:16

Ain, Yuta, Bet Shemesh, kɛ a he lohwe lɛmi zugbahi. E peeɔ ma nɛɛ ngɛ Yuda kɛ Simeon wɛtso ɔmɛ a mi.

Manyadali 14:1

Ligbi ko ɔ, Samson ya Timna, nɛ e ya na Filisti yiheyo ko ngɛ lejɛ ɔ.

Manyadali 14:5

Samson kɛ e tsɛ kɛ e nyɛ pue nɔ kɛ ho Timna ya. Benɛ a su Timna wai ngmɔ ɔmɛ a mi ɔ, Samson na jata bɔbɔyoo ko nɛ ngɛ huãe kɛ ma e ngɔ.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”