Yoshua 14:8 - BAIBLO ALOO NGMAMI KLƆUKLƆU Ɔ

⁸ Ye nyɛmimɛ ɔmɛ nɛ kɛ mi ya a ha ma a tsui po; se imi lɛɛ i bu Yawɛ, ye Mawu ɔ tue kɛ pi si.

Yoshua 14:8 ပူးပေါင်းရင်းမြစ်များ

Mose IV, 13:31

Se nyumu ɔmɛ nɛ kɛ lɛ ya slaa zugba a de ke, “Wa be nyɛe maa da nimli ɔmɛ a hɛ mi, ejakaa a he wa pe wɔ.”

Mose IV, 14:1

Jamɛ a nyɔ ɔ mi ɔ, ma a tsuo wo yana, nɛ a kɛ aywilɛho kpa huhui.

Mose IV, 14:24

Se ye tsɔlɔ Kaleb lɛɛ slo e mumi; lɛɛ e bu mi tue kɛ ya si nyagbe. Enɛ ɔ he je ɔ, i kɛ lɛ maa su zugba a nɛ a ya slaa a nɔ, nɛ e se bimɛ a nine maa su nɔ.

Mose IV, 32:12

Ja Yefune bi Kaleb, Ken no ɔ, kɛ Nun bi Yoshua pɛ; ejakaa mɛɛ a nyɛɛ Yawɛ se kɛ pi si.’

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 1:36

Yefune bi Kaleb pɛ lɛ maa na zugba a. Lɛɛ e ye mi anɔkuale, lɔ ɔ he ɔ, ma ngɔ zugba nɛ e ya slaa a ngɔ ha lɛ kɛ e nina.’

Yoshua 14:14

Lɔ ɔ he ɔ, Hebron ba pee Yefune nɛ je Keniz ɔ binyumu Kaleb weto ní kɛ ba si mwɔnɛ ɔ; ejakaa e bu Yawɛ, Israel Mawu ɔ tue kɛ pi si.

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.