Yoshua 14:3 - BAIBLO ALOO NGMAMI KLƆUKLƆU Ɔ

^3-4 Mose dla zugba nɛ ngɛ Yordan pa a beleku je ɔ ngɔ ha wɛtso enyɔ kɛ fa momo. (Yosef nina ya pee wɛtso enyɔ: Manase kɛ Efraim.) Levi wɛtso ɔ lɛɛ Mose ha we mɛ zugba a eko. Se a ha mɛ mahi nɛ a maa hi mi, kɛ lohwe lɛmi hehi kɛ ha a na amɛ, kɛ a we mi lohwehi.

Yoshua 14:3 ပူးပေါင်းရင်းမြစ်များ

Ezekiel 45:1

Ke nyɛ ngɛ zugba a mi dlae kɛ ha Israel wɛtso ɔmɛ, nɛ́ e pee a weto ní ɔ, nyɛ susu fa ko, nɛ nyɛɛ gbaa nɔ kɛ ha Yawɛ. Zugba nɛ ɔ kami nɛ pee si tomi kpaanyɔ kɛ fa, nɛ e blimi hu nɛ pee si tomi ekpa kɛ fa. Lejɛ ɔ zugba a tsuo nɛ pee klɔuklɔu.

Yoshua 12:6

Mose kɛ Israel bi ɔmɛ kpata matsɛmɛ enyɔ nɛ ɔmɛ a hɛ mi, nɛ Yawɛ tsɔlɔ Mose ngɔ a zugba a ngɔ ha Ruben kɛ Gad, kɛ Manase wɛtso fa a kaa a weto ní.

Yoshua 13:14

Levi bi ɔmɛ pɛ ji wɛtso nɛ Mose ha we mɛ zugba a eko. Kaa bɔ nɛ Yawɛ de Mose ɔ, Levi bi ɔmɛ lɛɛ a blɔ nya ní ji bɔhi nɛ a kɛ la sãã ngɛ bɔ sami la tɛ ɔ nɔ kɛ haa Yawɛ, Israel Mawu ɔ.

Yoshua 13:16

Zugba nɛ ɔ huzu je Aroer pa a nya ngɛ Arnon kɔ̃ ɔ nya, kɛ ma nɛ ngɛ kɔ̃ ɔ kpɛti ɔ, kɛ zugba kpataa a tsuo nɛ bɔle Medeba a.

Yoshua 13:17

Mahi nɛ ngɛ zugba a nɔ ji Heshbon, kɛ ma amɛ tsuo nɛ ngɛ zugba kpataa a nɔ, nɛ ji Dibon, Bamot Baal, Bet Baalmeon,

Yoshua 13:8

Yawɛ tsɔlɔ Mose ha Manase wɛtso fa a nɛ piɛ ɔ, Ruben wɛtso ɔ, kɛ Gad wɛtso ɔ a weto ní ngɛ Yordan pa a beleku je momo.