Yoshua 14:2 - BAIBLO ALOO NGMAMI KLƆUKLƆU Ɔ

² A fɔ sɔ kɛ dla zugba nɛ ngɛ Yordan pa a bonyoku je ɔ ngɔ ha wɛtso nɛɛ kɛ fa amɛ kaa bɔ nɛ Yawɛ fa Mose ke a pee ɔ.

Yoshua 14:2 ပူးပေါင်းရင်းမြစ်များ

Mose IV, 34:13

Mose de Israel bi ɔmɛ ke, “Zugba a nɛ nyɛ maa fɔ sɔ kɛ dla ha nyɛ he ɔ ji nɛ ɔ nɛ; enɛ ɔ ji zugba a nɛ Yawɛ wo si kaa e maa ngɔ kɛ ha wɛtso nɛɛ kɛ fa amɛ ɔ a nɛ.

Mose IV, 33:54

Nyɛɛ fɔ sɔ kɛ dla zugba a wɛtso nya wɛtso nya, kɛ weku nya weku nya. Wɛtso nɛ a he hiɛ ɔ, a ha mɛ zugba agbo; wɛtso nɛ a he pi ɔ, a ha mɛ bɔɔ pɛ.

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Abɛ Womi 18:18

Ke ni nguahi enyɔ ngɛ nɔ́ he huae ɔ, ja a fɔ sɔ kɛ buá sane ɔ he, loko pɛ ɔ maa jɔ.

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Mose IV, 34:17

“Osɔfo Eleazar, kɛ Nun binyumu Yoshua ji ni nɛmɛ nɛ maa dla zugba a kɛ ha ma a nɛ.

Yoshua 18:6

Zugba a nɛ a gba mi kpaago ɔ, nyɛɛ kale mi gbami ɔmɛ eko tsuaa eko, nɛ nyɛɛ ngma kɛ ba ha mi. Lɔ ɔ se ɔ, ma fɔ sɔ ha nyɛ ngɛ Yawɛ, wa Mawu ɔ hɛ mi.

Mose IV, 26:52

Yawɛ de Mose ke,

Yoshua 13:7

Lɔ ɔ he ɔ, dla zugba a ha wɛtso nɛɛ ɔmɛ, kɛ Manase wɛtso fa a, nɛ e pee a nɔ.”

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.

Ezekiel 45:1

Ke nyɛ ngɛ zugba a mi dlae kɛ ha Israel wɛtso ɔmɛ, nɛ́ e pee a weto ní ɔ, nyɛ susu fa ko, nɛ nyɛɛ gbaa nɔ kɛ ha Yawɛ. Zugba nɛ ɔ kami nɛ pee si tomi kpaanyɔ kɛ fa, nɛ e blimi hu nɛ pee si tomi ekpa kɛ fa. Lejɛ ɔ zugba a tsuo nɛ pee klɔuklɔu.