Ta zugba lɛ akpe nyingmi etɛ kɛ enyɔ ɔmɛ nɛ a ya bɔ apaa a, kɛ Maaka matsɛ tabo ɔ ba bua a he nya ngɛ Medeba kasa nya. Amon bi ɔmɛ hu je a ma amɛ tsuo a mi kɛ ba, nɛ a mia kɛ ha ta hwumi.
Nyɛ Moab bi, nyɛ je nyɛ hɛ mi nyami ɔ ngɔ fɔ si; nyɛ ba hi si ngɛ zia mi ngɛ zugba. Moab he nyɛli ɔmɛ ma ba tua nyɛ hulɔ, nɛ a ma kpata nyɛ mɔ ɔmɛ a hɛ mi.
I ngɔ zugba a nɛ ngɛ kɛ je Gilead kɛ ya na Arnon pa a ngɔ ha Ruben kɛ Gad wɛtso ɔmɛ. Pa a kpɛti pee a huzu ngɛ leneyi je; nɛ a huzu nɛ ngɛ omleyi je ji Yabok pa a nɛ e fa peeɔ Amon bi ɔmɛ a huzu ɔ.
Matsɛmɛ nɛ ɔmɛ a ti nɔ kake ji Amor bi ɔmɛ a Matsɛ Sihon nɛ hi Heshbon ɔ. E nɔ yemi hehi ji nɛ ɔmɛ nɛ: Gilead fa a, kɛ je Aroer ngɛ Arnon kɔ̃ ɔ nya kɛ gu kɔ̃ ɔ mi, kɛ ya su Yabok pa a nya ngɛ Amon bi ɔmɛ a huzu ɔ nya.