Yoshua 13:4 - BAIBLO ALOO NGMAMI KLƆUKLƆU Ɔ

⁴ Enɛ ɔmɛ hu piɛ he: Kanaan bi ɔmɛ a zugba a tsuo, kɛ Meara nɛ ji Sidon bi ɔmɛ a nɔ́ ɔ, kɛ ya su Afek ngɛ Amor bi ɔmɛ a huzu ɔ nya,

Yoshua 13:4 ပူးပေါင်းရင်းမြစ်များ

Yoshua 19:30

Uma, Afek, kɛ Rehob. E peeɔ ma nyingmi enyɔ kɛ enyɔ kɛ a he kɔpehi.

Samuel I, 4:1

Jamɛ a be ɔ, Filisti bi ɔmɛ ya bua a he nya ngɛ Afek, konɛ a ya tua Israel bi ɔmɛ. Israel bi ɔmɛ hu ya bua a he nya ngɛ Ebenezer, konɛ a kɛ mɛ nɛ hwu.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Yoshua 12:18

Afek, Lasharon,

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Matsɛmɛ I, 20:26

Jeha kake se ɔ, e bua Siria bi ɔmɛ a nya, nɛ e kɛ mɛ hia kɛ ba Afek, konɛ e kɛ Israel bi ɔmɛ ba hwu ta.

Matsɛmɛ I, 20:30

Ni nɛmɛ nɛ gbo we ɔ tu fo kɛ ho Afek ya, nɛ gbogbo ɔ nɛ a fia kɛ wo ma a he ɔ hule pue a ti nihi akpe nyingmi enyɔ kɛ kpaago a nɔ. Benhadad hu tu fo kɛ ho ma a mi ya, nɛ e ya laa e he ngɛ se tsu ko mi.

Ezekiel 16:3

De Yerusalem ke bɔ nɛ Nyɔmtsɛ Yawɛ ngɛ lɛ dee ji nɛ ɔ nɛ: “Kanaan zugba a nɔ o je; lejɛ ɔ a fɔ mo ngɛ. Amor no ji o tsɛ, nɛ o nyɛ lɛɛ Hit no ji lɛ.