Yoshua 13:3 - BAIBLO ALOO NGMAMI KLƆUKLƆU Ɔ

³ kɛ Avim zugba a tsuo nɛ ngɛ leneyi je ɔ. Zugba a nɛ ngɛ kɛ je Shihor pa a he ngɛ Egipt bi ɔmɛ a huzu ɔ nya a, kɛ ba be kɛ ho Ekron ya ngɛ omleyi je ɔ, a buu jamɛ a zugba a kaa Kanaan bi a zugba. Filisti bi ɔmɛ a matsɛmɛ ɔmɛ hi ma nɛ ɔmɛ a mi: Gaza, Ashdod, Ashkelon, Gat, kɛ Ekron.

Yoshua 13:3 ပူးပေါင်းရင်းမြစ်များ

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Mose V, 2:23

Nihi nɛ je pa kpɔ Kreta nɔ ɔ, hi Mediterenia wo nya zugba a nɔ be ko. Mɛ lɛ a gbe Avim bi ɔmɛ nɛ hi lejɛ ɔ sa a, nɛ a ngɔ a zugba a tsuo nɛ ngɛ leneyi je ɔ kɛ ya su Gaza tɔɔ.)

Samuel I, 6:4

Ma a bi ke, “Mɛni fɔ yemi bɔ waa kɛ maa ya a?” Nɛ a ha heto ke, “Sika tsu tslɔɔ enuɔ, kɛ sika tsu kɔkue enuɔ, ngɛ Filisti matsɛmɛ ɔmɛ a hiɛmi nya; ejakaa haomi kake ɔ nɔuu lɛ ba nyɛɛ kɛ nyɛ matsɛmɛ enuɔ ɔmɛ tsuo nyɛ nɔ ɔ nɛ.

Yoshua 13:13

Israel bi ɔmɛ fie we Geshur bi ɔmɛ kɛ Maaka bi ɔmɛ; mohu ɔ, a kɛ mɛ ngɛ kɛ mwɔɔ.

Mose I, 10:6

Ham bimɛ ji Kush, Egipt, Libia, kɛ Kanaan bi.

Manyadali 16:5

Filisti matsɛmɛ ɔmɛ ba yo ɔ ngɔ, nɛ a ba de lɛ ke, “Moo gbe Samson yi mi nɛ e tsɔɔ mo he nɛ e naa e he wami kpetekpleenyɛ ɔ kɛ jeɔ, kɛ bɔ nɛ wa maa pee nɛ wa nine maa su e nɔ, konɛ waa fi lɛ, nɛ waa jɔɔ e he. Wa ti nɔ tsuaa nɔ ma ha mo sika hiɔ akpe kɛ e nya lafa.”

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,

Matsɛmɛ I, 8:65

Salomo kɛ Israel ma kpekpemi ɔ tsuo ye Gbasisihimi nyami be ɔ ngɛ Yawɛ we ɔ otsi. Nimli babauu nitsɛ ba nyami be nɛ ɔ; a je tsitsaa Hamat yo kpɛ blɔ ngɛ omleyi je, kɛ ya si Egipt huzu ɔ he ngɛ leneyi je.

Yesaya 23:3

kɛ poo wo kɛ ya heɔ blɛfo ngɛ Egipt, nɛ nyɛɛ kɛ je ma amɛ tsuo yeɔ jua a ji nɛ ɔ!

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Samuel I, 5:8

Lɔ ɔ he ɔ, a tsɛ Filisti matsɛmɛ enuɔ ɔmɛ tsuo kpe, nɛ a bi mɛ ke, “Kɛ wa maa pee Israel Mawu ɔ somi daka a kɛɛ?” A he nɔ ke, “Nyɛɛ ngɔ Israel Mawu ɔ somi daka a kɛ ya Gat.” Nɛ a wo daka a kɛ ho lejɛ ɔ ya.

Samuel I, 5:10

Lɔ ɔ he ɔ, a wo Yawɛ somi daka a kɛ ho Ekron ya. Se benɛ Mawu somi daka a ya su Ekron ɔ, Ekron bi ɔmɛ kpa bubuubui, nɛ a de ke, “A wo Israel Mawu ɔ somi daka a kɛ ba hiɛ ɔ, konɛ e ba gbe wɔ, kɛ wa ma mi bi ɔmɛ tsuo!”

Kronika I, 13:5

Kɛkɛ nɛ David kpee Israel ma a tsuo, konɛ a ya ngɔ Mawu somi daka a kɛ je Kiriat Yearim kɛ ba. E bua ma a nya kɛ je zugba a tsuo nɔ; kɛ je Egipt huzu ɔ nya ngɛ leneyi je, hluu kɛ ya si Hamat tɔɔ ngɛ omleyi je.