Yoshua 13:26 - BAIBLO ALOO NGMAMI KLƆUKLƆU Ɔ

²⁶ Jehanɛ, a zugba a tsa nɔ kɛ je Heshbon kɛ ya su Ramat Mizpa kɛ Betonim, nɛ e je Mahanaim kɛ ya su Lodebar huzu ɔ nya.

Yoshua 13:26 ပူးပေါင်းရင်းမြစ်များ

Samuel II, 17:27

Benɛ David ba su Mahanaim ɔ, Nahash binyumu Shobi nɛ je Amon bi a ma, Raba a, kɛ Amiel bi Makir nɛ je Lodebar a, kɛ Barzilai nɛ je Rogelim ngɛ Gilead ɔ kɛ lɛ ba kpe.

Samuel II, 2:8

Se Saul tatsɛ Abner, Ner binyumu ɔ ku Saul binyumu Ishboshet kɛ tu fo kɛ po Yordan pa a kɛ ho Mahanaim ya.

Matsɛmɛ I, 22:3

Ahab de e tsɔli ɔmɛ ke, “Tse nyɛ le kaa wa ma ji Ramot nɛ ngɛ Gilead ɔ! Mɛni he je mɔ nɛ wa bɔɛ mɔde nɛ wa ya kpɔ lɛ ngɛ Siria matsɛ ɔ dɛ ɔ?”

Manyadali 11:29

Kɛkɛ nɛ Yawɛ mumi ɔ ba Yefta nɔ; nɛ e ya kpa Gilead kɛ Manase, nɛ e po mi kɛ ho Gilead Mizpa ya. Nɛ́ e je lejɛ ɔ, e pue nɔ kɛ ho Amon bi ɔmɛ a ngɔ ya.

Manyadali 11:11

Lɔ ɔ he ɔ, Yefta kɛ Gilead ma nimeli ɔmɛ ho, nɛ a wo lɛ tsɛ, kɛ asafoatsɛngua. Nɛ Yefta ma e munyu ɔmɛ tsuo a nɔ mi ngɛ Yawɛ hɛ mi ngɛ Mizpa.

Manyadali 10:17

Jehanɛ, Amon bi ɔmɛ dla a he kɛ ha ta hwumi, nɛ a ya bua a he nya ngɛ Gilead. Israel bi ɔmɛ hu ya bua a he nya ngɛ Mizpa.

Yoshua 21:38

Jehanɛ, a ná ma eywiɛ ngɛ Gad zugba a mi. Ma amɛ ji Ramot ngɛ Gilead (wesa he ma amɛ a kpɛti kake), Mahanaim,

Yoshua 20:8

Yordan pa a beleku je, ngɛ yo zugba kpataa a nɔ, ngɛ Yeriko beleku je ɔ, a hla ma nɛ ɔmɛ: Bezer, ngɛ Ruben zugba a mi, Ramot Gilead ngɛ Gad zugba a mi, kɛ Golan ngɛ Bashan, ngɛ Manase zugba a mi.

Mose I, 31:49

Laban hu de Yakob ke, “Be mi nɛ i kɛ mo wa mi gba a, Yawɛ nɛ bu wa he.” Enɛ ɔ he je ɔ, a wo lejɛ ɔ biɛ kpa ke Mizpa.

Yoshua 13:25

A zugba ji Yazer kɛ Gilead ma amɛ tsuo, kɛ Amon bi ɔmɛ a zugba a fa, kɛ ya su Aroer ngɛ Raba beleku je.

Yoshua 13:27

Ngɛ Yordan kɔ̃ ɔ mi ɔ, mahi nɛ ngɛ lejɛ ɔ ji Bet Haram, Betnimra, Sukot, Safon, kɛ Heshbon nɛ ji Matsɛ Sihon nɔ yemi he nɛ piɛ ɔ. Bonyoku je huzu ɔ je Yordan pa a nya kɛ ya su Galilea wo ɔ nya tɔɔ ngɛ omleyi je.

Matsɛmɛ I, 4:14

Ido binyumu Ahinadab nɔ́ mi ji Mahanaim.