Yoshua 13:25 - BAIBLO ALOO NGMAMI KLƆUKLƆU Ɔ

²⁵ A zugba ji Yazer kɛ Gilead ma amɛ tsuo, kɛ Amon bi ɔmɛ a zugba a fa, kɛ ya su Aroer ngɛ Raba beleku je.

Yoshua 13:25 ပူးပေါင်းရင်းမြစ်များ

Samuel II, 11:1

Gbo be mi nɛ́ matsɛmɛ pɔɔ ta gbami ɔ, David tsɔ Yoab kɛ e we asafoatsɛmɛ ɔmɛ, kɛ Israel tabo ɔ tsuo kɛ ho nɛ a ya kpata Amon bi ɔmɛ a hɛ mi, nɛ a sa Raba ma a yi. Jamɛ a be ɔ, David nitsɛ lɛɛ e ngɛ Yerusalem.

Samuel II, 12:26

Yoab gba ta wo Raba, Amon bi a ma nguaa a he, nɛ e miɔ nɛ e ngɔ ma a.

Samuel II, 24:5

A po Yordan pa a, nɛ a ya to si ngɛ Aroer leneyi je, nɛ ji ma nɛ ngɛ kɔ̃ ɔ mi, ngɛ Gad zugba a nɔ ɔ. Nɛ́ a je lejɛ ɔ, a pue nɔ kɛ ho Yazer ya,

Kronika I, 26:31

Hebron nina a, a nya dalɔ ji Yeria. Matsɛ David yi nɔ jeha nɛ ji nyingmi eywiɛ ɔ mi ɔ, a ya hyɛ Hebron nina a weku kpa a mi, nɛ a na ta buli katsɛmɛ komɛ nɛ je weku nɛ ɔ mi ngɛ Yazer, ngɛ Gilead zugba a nɔ.

Kronika I, 6:81

Heshbon, Yazer, kɛ kɔpehi nɛ bɔle ma nɛ ɔmɛ.

Yesaya 16:8

Ejakaa a kpata Heshbon ngmɔ ɔmɛ, kɛ Sibma wai tso ɔmɛ a hɛ mi. Je ma amɛ a nɔ yeli ɔmɛ ku tso kɔni ɔmɛ ngɛ lejɛ ɔ tsuo kɛ ya su Yazer, kɛ ya kpa nga kplanaa a nɔ tsuo; kɔni ɔmɛ gba kɛ ya su Ngo wo ɔ se tɔɔ.

Yesaya 17:2

Nimli be Siria ma amɛ a mi hie gblegbleegble hu. Lejɛ ɔmɛ maa pee tohi kɛ nahi a ní yemi he; nɛ nɔ ko nɔ ko be lohwe nɛ ɔmɛ fiee.

Yeremia 48:32

Nyɛ Sibma bi, ma fo nyɛ kulaa pe bɔ nɛ ma fo Yazer bi. Sibma ma, o ngɛ kaa wai tso nɛ kɔnihi gba kɛ ya be ngɛ Ngo wo ɔ he kɛ ya su Yazer tɔɔ. Se amlɔ nɛ ɔ, a kpata o tso yiblii ɔmɛ, kɛ o wai yiblii ɔmɛ tsuo a hɛ mi.

Ezekiel 21:20

Okadi kake maa tsɔɔ matsɛ ɔ blɔ nɛ yaa Amon bi ɔmɛ a ma nɛ a tsɛɛ Raba a, nɛ kake hu maa tsɔɔ blɔ nɛ yaa Yerusalem, Yuda ma nɛ a fia gbogbo ngɔ wo he ɔ.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Mose IV, 21:32

Mose tsɔ nihi ya slaa Yazer ma a. Israel bi ɔmɛ ngɔ ma a, kɛ kɔpehi nɛ bɔle lɛ ɔ tsuo; nɛ a fie Amor bi ɔmɛ nɛ ngɛ lejɛ ɔ.

Mose IV, 32:35

Atrot Shofan, Yazer, Yogbeha,

Mose V, 2:19

Ke nyɛ ya su Amon bi ɔmɛ nɛ ji Lot nina a a zugba a huzu nya a, nyɛ ko hao mɛ, nɛ nyɛɛ kɛ mɛ ko hwu ta hulɔ; ejakaa i be nyɛ a zugba a ekoeko hae.’ ”

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Yoshua 13:11

Gilead, Geshur, Maaka, Hermon yo ɔ, Bashan, kɛ Saleka tsuo piɛ a zugba a he.

Yoshua 13:24

Mose ha Gad wɛtso ɔ hu zugba a eko kaa a weto ní we puɔ nya we puɔ nya.

Yoshua 13:26

Jehanɛ, a zugba a tsa nɔ kɛ je Heshbon kɛ ya su Ramat Mizpa kɛ Betonim, nɛ e je Mahanaim kɛ ya su Lodebar huzu ɔ nya.

Yoshua 21:39

Heshbon, Yazer, kɛ a he lohwe lɛmi zugbahi.

Manyadali 5:17

Gilead tlɔ Yordan pa a se; Dan hu, mɛni he je e tlɔ lɛ ɔmɛ a he ɔ? Asher hii si kpoo ngɛ wo ɔ nya he nɛ lɛ ɔmɛ ba saa si ngɛ ɔ.