Yoshua 13:14 - BAIBLO ALOO NGMAMI KLƆUKLƆU Ɔ

¹⁴ Levi bi ɔmɛ pɛ ji wɛtso nɛ Mose ha we mɛ zugba a eko. Kaa bɔ nɛ Yawɛ de Mose ɔ, Levi bi ɔmɛ lɛɛ a blɔ nya ní ji bɔhi nɛ a kɛ la sãã ngɛ bɔ sami la tɛ ɔ nɔ kɛ haa Yawɛ, Israel Mawu ɔ.

Yoshua 13:14 ပူးပေါင်းရင်းမြစ်များ

Ezekiel 44:28

“Weto ní nɛ i ha Israel bi ɔmɛ, nɛ yi nɔ kake siɔ kɛ haa yi nɔ nɛ nyɛɛ se kɛ maa ya neneene ɔ, osɔfo ɔmɛ lɛɛ a nɔ́ ji osɔfo yemi; imi nitsɛ ji a weto ní, kɛ a nɔ́ tsuaa nɔ́. Lɔ ɔ he ɔ, a be weto ní kpa ko nae ngɛ Israel ma a mi.

Ezekiel 44:29

Osɔfo ɔmɛ a niye ní nɛ a maa ye ji niye ní bɔ ɔmɛ, yayami pami bɔ ɔmɛ, kɛ fɔ yemi bɔ ɔmɛ; jehanɛ hu, nɔ́ tsuaa nɔ́ nɛ Israel bi ɔmɛ maa gbaa nɔ kɛ ke mi ɔ peeɔ osɔfo ɔmɛ a nɔ́.

Mose V, 10:9

Lɔ ɔ he je nɛ Levi wɛtso ɔ na we zugba ko kaa bɔ nɛ wɛtso kpa amɛ na a nɛ. Blɔ nya nɛ Levi bi ɔmɛ na ji kaa a pee Yawɛ osɔfohi kaa bɔ nɛ Yawɛ, nyɛ Mawu ɔ wo si ɔ.)

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:19

Jehanɛ hu, nyɛɛ hyɛ nɛ hi, konɛ nyɛ hɛ ko je Levi bi ɔmɛ a nɔ be abɔ nɛ nyɛ maa hi nyɛ zugba a nɔ ɔ.

Yoshua 13:13

Israel bi ɔmɛ fie we Geshur bi ɔmɛ kɛ Maaka bi ɔmɛ; mohu ɔ, a kɛ mɛ ngɛ kɛ mwɔɔ.

Yoshua 13:15

Mose ha Ruben wɛtso ɔ zugba kaa a weto ní we puɔ nya we puɔ nya.

Yoshua 13:33

Levi wɛtso ɔ lɛɛ Mose ha we mɛ zugba a eko. E de mɛ ke mɛɛ a weto ní ji Yawɛ, Israel Mawu ɔ.

Yoshua 18:7

Levi bi ɔmɛ be zugba a eko nae; mɛɛ lɛɛ a blɔ nya ni ji kaa a maa ye osɔfo kɛ ha Yawɛ. Gad, Ruben, kɛ Manase fa a, mɛ hu Yawɛ tsɔlɔ Mose ha mɛ a weto ní momo ngɛ Yordan pa a beleku je.”