Yoshua 12:8 - BAIBLO ALOO NGMAMI KLƆUKLƆU Ɔ

⁸ Zugba a ngɛ yo nɔ kɛ kɔ̃ mi; Yordan kɔ̃ ɔ kɛ nga kplanaa a nɔ, kɛ yo ɔmɛ a kuɛ si, kɛ nga a nɔ, kɛ leneyi je tsuo. Nihi nɛ hi lejɛ ɔ hyɛ ji Hit bi, Amor bi, Periz bi, Hiv bi, kɛ Yebus bi.

Yoshua 12:8 ပူးပေါင်းရင်းမြစ်များ

Yoshua 11:16

Yoshua ngɔ zugba a tsuo: yo nɔ kɛ kɔ̃ mi zugba a ngɛ leneyi je kɛ omleyi je tsuo, Goshen zugba a, Yordan kɔ̃ ɔ, kɛ Israel yo ɔmɛ kɛ a he nga kplanaa a.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Mose V, 9:1

“Nyɛɛ bu tue, Israel bi; mwɔnɛ ɔ, nyɛ maa po Yordan pa a, konɛ nyɛ ya fie je ma amɛ nɛ kle, nɛ a he wa pe nyɛ ɔ. A fia gbogbo nɛ ya hiɔwe ploplooplo ngɔ wo a ma amɛ a he.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Mose I, 10:17

Hiv bi, Ark bi, Sin bi,

Mose I, 12:9

Pee se ɔ, Abram je lejɛ ɔ, nɛ e tsa e blɔ hiami ɔ nɔ kɛ gu Kanaan leneyi blɔ. Ke e nyɛɛ bɔɔ e to si bɔɔ.

Mose I, 13:7

Enɛ ɔ he je ɔ, pɛ ba sɛ Abram lohwe nɔ hyɛli ɔmɛ kɛ Lot lohwe nɔ hyɛli ɔmɛ a kpɛti. Jamɛ a be ɔ mi ɔ, Kanaan bi ɔmɛ, kɛ Periz bi ɔmɛ ngɛ zugba a nɔ kɛ mwɔɔ.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Manyadali 1:9

Lɔ ɔ se ɔ, a ya tua Kanaan bi nɛ ngɛ yoku ɔmɛ a nɔ ngɛ leneyi je ɔ, kɛ ni nɛmɛ nɛ ngɛ nga nɔ zugba a nɔ ɔ.