Yoshua 12:7 - BAIBLO ALOO NGMAMI KLƆUKLƆU Ɔ

⁷ Yoshua kɛ Israel bi ɔmɛ kpata matsɛmɛ ɔmɛ tsuo nɛ ngɛ Yordan pa a bonyoku je ɔ a hɛ mi, kɛ je Baal Gad ngɛ Lebanon kɔ̃ ɔ mi kɛ ya su Halak yo ɔ he ngɛ leneyi je ngɛ Edom kasa nya. Yoshua dla zugba nɛ ɔ ngɔ ha Israel bi ɔmɛ wɛtso nya wɛtso nya, nɛ e pee a weto ní.

Yoshua 12:7 ပူးပေါင်းရင်းမြစ်များ

Mose I, 14:6

Jehanɛ, a gbe Hor bi ɔmɛ hu ngɛ Edom yo ɔmɛ a nɔ, nɛ a nyɛɛ a se hluu kɛ ya si Elparan ngɛ nga a nya.

Mose I, 32:3

Yakob tsɔ nihi kɛ sɛ e hlami kɛ ho e nyɛmi Esau ngɔ ya ngɛ Edom zugba a nɔ.

Mose I, 36:20

Hori no ɔ nɛ a tsɛɛ lɛ Seir ɔ nina ji wɛtsohi nɛ Edom bi ɔmɛ je a mi ɔ nɛ. Wɛtso ɔmɛ a biɛhi ji Lotan, Shobal, Zibeon, Ana, Dishon, Ezer, kɛ Dishan.

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

La 135:11

Sihon, Amor bi a matsɛ ɔ, Og, Bashan matsɛ ɔ, kɛ Kanaan matsɛmɛ ɔmɛ tsuo;

Mose V, 2:1

“Nyagbe ɔ, wa kpale hia kɛ gu Wo Tsu ɔ nya blɔ kɛ ho nga a nɔ ya kaa bɔ nɛ Yawɛ fa wɔ ɔ. Wa wo lalaalo be babauu ngɛ Edom yo zugba a nɔ.

Mose V, 2:4

De ma a tsuo ke nyɛ yaa be ngɛ nyɛ nyɛmimɛ Esau bi ɔmɛ a zugba a nɔ kɛ ho. Mɛɛ lɛɛ Edom yo ɔ he a hii. A maa ye nyɛ gbeye.

Yoshua 11:17

Zugba a fia si kɛ je Halak yo ɔ he ngɛ leneyi je ngɛ Edom kasa nya, kɛ kuɔ kɛ ya si Baalgad ngɛ omleyi je, ngɛ Lebanon kɔ̃ ɔ mi, ngɛ Hermon yo ɔ leneyi je. Yoshua kɛ zugba nɛ ɔ nɔ matsɛmɛ ɔmɛ hwu ta be saii. Nyagbe ɔ, e nuu mɛ nɛ e kpata mɛ tsuo pɛpɛɛpɛ a hɛ mi.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.