Yoshua 12:5 - BAIBLO ALOO NGMAMI KLƆUKLƆU Ɔ

⁵ Matsɛ Og nɔ yemi he ɔmɛ ji nɛ ɔmɛ nɛ: kɛ je Hermon yo ɔ nɔ, Saleka, kɛ Bashan tsuo, kɛ ya su Geshur bi ɔmɛ kɛ Maaka bi ɔmɛ a huzu ɔmɛ a nya. Jehanɛ, kɛ je Gilead bi ɔmɛ a zugba a fa kɛ ya ta Heshbon huzu ɔ nya.

Yoshua 12:5 ပူးပေါင်းရင်းမြစ်များ

Samuel II, 13:37

Absalom tu fo kɛ ho Geshur matsɛ Talmai, nɛ ji Amihud binyumu ɔ ngɔ ya; nɛ e ya hi lejɛ ɔ jeha etɛ. David ye e binyumu Amnon he kɔmɔ be babauu.

Samuel II, 15:8

Benɛ i ngɛ Geshur ngɛ Siria a, i wo Yawɛ si kaa ke e maa kpale mi kɛ ba Yerusalem ekohu ɔ, lɛɛ ma ya ja lɛ ngɛ Hebron.”

Samuel II, 3:3

enyɔne ɔ ji Kileab nɛ David kɛ Nabal nɛ je Karmel e yalɔyo Abigail fɔ ɔ; etɛne ɔ ji Absalom, Geshur matsɛ, Talmai biyo Maaka bi ɔ;

Matsɛmɛ II, 25:23

Benɛ Yuda asafoatsɛmɛ ɔmɛ, kɛ ta buli ɔmɛ nɛ mɛɛ a ngɔɛ a he ngɔ ha we ɔ nu kaa Babilonia matsɛ ɔ wo Gedalia amlaalo ɔ, mɛ tsuo pɛpɛɛpɛ a ba nɛ a ba piɛ Gedalia he ngɛ Mizpa. Mɛ ji nɛ ɔmɛ nɛ: Netania binyumu Ishmael, Karea binyumu Yohanan, Tanhumet binyumu Seraya nɛ je Netofa a, kɛ Yezania nɛ je Maaka a.

Kronika I, 5:11

Gad wɛtso ɔ hi Ruben wɛtso ɔ we omleyi je, kɛ je Bashan zugba a nɔ kɛ ya si Saleka ngɛ beleku je.

Yeremia 40:8

Lɔ ɔ he ɔ, nimli nɛ ɔmɛ, kɛ a we bi ɔmɛ tsuo ba Gedalia ngɔ ngɛ Mizpa. Mɛ ji Ishmael, Natania bi ɔ, Yohanan, Karea bi ɔ, Seraya, Tanhumet bi ɔ, Efai nɛ je Netofa a bimɛ ɔmɛ, kɛ Yezania nɛ je Maaka a.

Mose V, 3:14

Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 12:1

Israel bi ɔmɛ ye matsɛmɛ enyɔ komɛ a nɔ, nɛ a ngɔ a zugba a ngɛ Yordan pa a beleku je. Zugba a ngɛ kɛ je Arnon kɔ̃ ɔ mi kɛ ya su Hermon yo ɔ he tɔɔ.

Yoshua 13:11

Gilead, Geshur, Maaka, Hermon yo ɔ, Bashan, kɛ Saleka tsuo piɛ a zugba a he.

Samuel I, 27:8

Ke pee ɔ, David kɛ e we bi ɔmɛ maa hia ya tua nihi nɛ ngɛ Geshur, Girzi, kɛ Amalek. Nimli nɛ ɔmɛ ji zugbatsɛmɛ ɔmɛ nɛ hi zugba a nɔ kɛ je Shur kɛ ya si Egipt kɛ je teteete.