Yoshua 12:2 - BAIBLO ALOO NGMAMI KLƆUKLƆU Ɔ

² Matsɛmɛ nɛ ɔmɛ a ti nɔ kake ji Amor bi ɔmɛ a Matsɛ Sihon nɛ hi Heshbon ɔ. E nɔ yemi hehi ji nɛ ɔmɛ nɛ: Gilead fa a, kɛ je Aroer ngɛ Arnon kɔ̃ ɔ nya kɛ gu kɔ̃ ɔ mi, kɛ ya su Yabok pa a nya ngɛ Amon bi ɔmɛ a huzu ɔ nya.

Yoshua 12:2 ပူးပေါင်းရင်းမြစ်များ

Mose I, 32:22

Jamɛ a nyɔ ɔ mi nɔuu ɔ, Yakob te si, nɛ e kɛ e yihi enyɔ ɔmɛ, kɛ e mawayi enyɔ ɔmɛ, kɛ a bimɛ nyɔngma kɛ kake ɔmɛ po Yabok pa a.

Kronika I, 5:8

Bela (Yoel bi Shema bi Aza bi ɔ). A hi Aroer, nɛ a zugba a fɔ si kɛ je lejɛ ɔ kɛ ya si Nebo kɛ Baal Meon tɔɔ.

Nehemia 9:22

“O ha a ye je mahi, matsɛ yemihi, kɛ zugbahi nɛ bɔle mɛ ɔ a nɔ. A ye Heshbon zugba a, kɛ Bashan zugba a tsuo nɔ. Heshbon ji he nɛ Sihon ye matsɛ ngɛ, nɛ Bashan ji he nɛ Og ye matsɛ ngɛ.

La 135:11

Sihon, Amor bi a matsɛ ɔ, Og, Bashan matsɛ ɔ, kɛ Kanaan matsɛmɛ ɔmɛ tsuo;

Yeremia 48:19

Nyɛ Aroer bi, nyɛ ya da blɔ he nɛ nyɛɛ huɔ! Nyɛ bi nihi nɛ ngɛ fo tue kɛ yaa a ke, ‘Mɛni sane ba?’

Mose V, 1:4

Jamɛ a be ɔ mi ɔ, Yawɛ gbe Amor bi ɔmɛ a matsɛ, Sihon nɛ hi Heshbon ɔ, kɛ Bashan matsɛ, Og nɛ hi Ashtarot ngɛ Edrei ɔ momo.

Manyadali 11:13

Amon matsɛ ɔ ha Yefta tsɔli ɔmɛ heto ke, “Benɛ Israel ma a je Egipt kɛ ma a, a ngɔ ye zugba a, kɛ je Arnon pa a he kɛ ya si Yabok kɛ Yordan pa amɛ a he. Lɔ ɔ he ɔ, moo kpale ye zugba a kɛ ha mi kpoo!”

Manyadali 11:22

A ngɔ Amor bi ɔmɛ a zugba a tsuo, kɛ je Arnon kɛ ya si Yabok, kɛ je nga a nɔ kɛ ya si Yordan tɔɔ.