Yoshua 12:1 - BAIBLO ALOO NGMAMI KLƆUKLƆU Ɔ

¹ Israel bi ɔmɛ ye matsɛmɛ enyɔ komɛ a nɔ, nɛ a ngɔ a zugba a ngɛ Yordan pa a beleku je. Zugba a ngɛ kɛ je Arnon kɔ̃ ɔ mi kɛ ya su Hermon yo ɔ he tɔɔ.

Yoshua 12:1 ပူးပေါင်းရင်းမြစ်များ

Matsɛmɛ I, 4:19

Uri binyumu Geber nɔ́ mi ji Gilead, nɛ ji Amor Matsɛ Sihon, kɛ Bashan Matsɛ Og a zugba a. Nimli nɛ ɔmɛ a se ɔ, amlaalo kake ngɛ nɛ hyɛɛ zugba a tsuo nɔ.

La 133:3

Nyɛmimɛ a kake peemi ngɛ kaa bɔ́ ngɛ Hermon yo ɔ nɔ; e ngɛ kaa bɔ́ nɛ ngɛ nɛe ngɛ Zion yo ɔmɛ a nɔ. Lejɛ ɔ nɛ Yawɛ wo si ngɛ ke e maa gbaa e ma a kɛ maa ya neneene.

La 136:21

Lɛ nɛ e ngɔ a zugba amɛ kɛ ha e ma a kaa a weto ní; ejakaa e suɔmi ɔ ngɛ kɛ yaa neneene!

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

Yesaya 16:2

Moab bi yi ɔmɛ ya pue si ngɛ Arnon pa a pomi he ɔmɛ kaa lohwe pɛlitsɛmɛ nɛ a fie mɛ kɛ je a tsuhi a mi.

Mose IV, 21:13

Nɛ́ a je lejɛ ɔ, a ya to si ngɛ Arnon pa a omleyi je ngɛ nga a nɔ kɛ yaa Amor bi ɔmɛ a huzu ɔ nya. (Arnon pa a ji huzu nɛ ngɛ Moab bi ɔmɛ, kɛ Amor bi ɔmɛ a kpɛti).

Mose IV, 21:21

Kɛkɛ nɛ Israel ma a tsɔ nihi ke a ya de Amor matsɛ, Sihon ke,

Mose IV, 21:24

Se Israel bi ɔmɛ kɛ klaate tane a yi, nɛ a ngɔ a zugba a kɛ je Arnon pa a nya kɛ ya pue Yabok pa a nɛ ji Amon bi ɔmɛ a huzu ɔ nya, ejakaa Amon bi ɔmɛ a huzu ɔ, a fia gbogbo ngɛ nɔ.

Mose IV, 32:19

Jehanɛ, ke wɔɔ wa nine su wa blɔ fa mi nɔ́ ɔ nɔ ngɛ Yordan beleku je ngɛ hiɛmɛ nɛ ɔ, waa kɛ mɛ be weto ní ko he plee hu ngɛ Yordan pa a se.”

Mose IV, 32:32

Wa maa mia kpɛii kɛ po pa a kɛ nyɛɛ Yawɛ hɛ mi kɛ ya Kanaan zugba a nɔ, bɔ nɛ pee nɛ weto ní ɔ nɛ wa na ngɛ Yordan pa a se ɔ nɛ tlɔ wa dɛ.”

Mose IV, 32:33

Lɔ ɔ he ɔ, Mose ngɔ Amor matsɛ, Sihon nɔ yemi he ɔ, Bashan matsɛ, Og nɔ yemi he ɔ, mahi nɛ ngɛ huza amɛ a nɔ ɔ, kɛ zugbahi tsuo nɛ bɔle mɛ ɔ ngɔ ha Gad bi ɔmɛ, kɛ Ruben bi ɔmɛ, kɛ Yosef bi Manase wɛtso fa a.

Mose V, 2:24

“Benɛ wa nyɛɛ Moab zugba a nɔ kɛ be se ɔ, Yawɛ de mi ke, ‘Nyɛ pue blɔ nɛ nyɛ ya po Arnon pa a. I ngɔ Amor matsɛ, Sihon nɛ je Heshbon kɛ e zugba a ngɔ wo nyɛ dɛ. Nyɛ ya tua lɛ, nɛ nyɛɛ ngɔ e zugba a.

Mose V, 2:32

Kɛkɛ nɛ Matsɛ Sihon kɛ e ma a tsuo je kpo nɛ a kɛ wɔ ba hwu ta ngɛ Yahaz.

Mose V, 3:1

“Jehanɛ, wa dɔ wa yi kɛ gu Bashan blɔ, nɛ Bashan matsɛ, Og kɛ e ma a tsuo je kpo konɛ a kɛ wɔ ba hwu ta ngɛ Edrei.

Mose V, 4:44

Mawu mlaa amɛ nɛ Mose ngɔ ha Israel bi ɔmɛ ji nɛ ɔmɛ nɛ.

Mose V, 4:48

Zugba nɛ ɔ huzu ji kɛ je Aroer ma a mi kɛ ya su Arnon pa a nya, kɛ ya na Sirion yo ɔ ngɛ leneyi je; lɔ ɔ ji Hermon yo ɔ nɛ.

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

Yoshua 11:17

Zugba a fia si kɛ je Halak yo ɔ he ngɛ leneyi je ngɛ Edom kasa nya, kɛ kuɔ kɛ ya si Baalgad ngɛ omleyi je, ngɛ Lebanon kɔ̃ ɔ mi, ngɛ Hermon yo ɔ leneyi je. Yoshua kɛ zugba nɛ ɔ nɔ matsɛmɛ ɔmɛ hwu ta be saii. Nyagbe ɔ, e nuu mɛ nɛ e kpata mɛ tsuo pɛpɛɛpɛ a hɛ mi.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 13:8

Yawɛ tsɔlɔ Mose ha Manase wɛtso fa a nɛ piɛ ɔ, Ruben wɛtso ɔ, kɛ Gad wɛtso ɔ a weto ní ngɛ Yordan pa a beleku je momo.

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Manyadali 11:18

Pee se ɔ, Israel bi ɔmɛ nyɛɛ kɛ gu nga a nɔ, nɛ a ya lɔgɔ Edom zugba a, kɛ Moab zugba a, hluu kɛ ya pa si ngɛ Moab zugba a beleku je. A to si ngɛ Arnon pa a se, se a pui mi kɛ yɛ Moab zugba a nɔ; ejakaa Arnon pa a ji Moab huzu ɔ nɛ.