Yoshua 11:9 - BAIBLO ALOO NGMAMI KLƆUKLƆU Ɔ

⁹ Yoshua pee bɔ nɛ Yawɛ fa lɛ ke e pee ɔ; e poo a we okpɔngɔ ɔmɛ a nane se pani, nɛ e sã a ta zugba lɛ ɔmɛ.

Yoshua 11:9 ပူးပေါင်းရင်းမြစ်များ

Mose I, 49:6

I kɛ mɛ be soe kɔkɔɔkɔ, I kɛ mɛ be bɔe hulɔ, Ejakaa ke a mi mi fu ɔ, a gbeɔ nɔmlɔ, Nɛ a plaa nahi kɛ jeɔ a hɛja.

Samuel II, 8:4

David nuu Hadadezer okpɔngɔ ta buli akpe kɛ e nya lafa kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

Nahum 2:13

Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Yoshua 11:6

Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”