Yoshua 11:8 - BAIBLO ALOO NGMAMI KLƆUKLƆU Ɔ

⁸ Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 11:8 ပူးပေါင်းရင်းမြစ်များ

Yoshua 13:6

Sidon bi ɔmɛ a zugba a tsuo nɛ ngɛ kɛ je Lebanon yo ɔmɛ a nɔ kɛ ya su Misrefot Maim pa a nya a hu piɛ he. Imi nitsɛ ma fie nimli nɛ ɔmɛ kɛ je Israel bi ɔmɛ a blɔ ɔ mi. Moo lɛɛ moo dla zugba a ngɔ ha Israel bi ɔmɛ, nɛ e pee a weto ní, kaa bɔ nɛ i fa mo ɔ.

Yoshua 19:28

Ebron, Rehob, Hamon, kɛ Kana kɛ ya su Sidon tɔɔ.

Zakaria 9:2

Jã kɛ̃ a maa pee Hamat nɛ e kɛ Hadrak wo huzu ɔ. Tiro kɛ Sidon ma amɛ nɛ le ní kaa nɔ́ ko ɔ, mɛ hu ja nɔuu.

Yoshua 21:44

Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Mose I, 49:13

“Zebulun maa hi wo nya. E hi he ɔ maa pee lɛsimuɔ he, nɛ e kɛ Sidon maa wo huzu.

Mose I, 10:15

Kanaan bitɛte ji Sidon, kɛ e senɔ nyumu Het.

Yoshua 11:7

Kɛkɛ nɛ Yoshua kɛ Israel tabo ɔ tsuo ya tua Yabin ta a ngɛ Merom pa a nya, be mi nɛ a hɛ be a he nɔ.

Yesaya 23:4

Sidon ma, zo gbe mo! Bɔ nɛ wo kpetekpleenyɛ ɔ ngɛ mo dee ji nɛ ɔ nɛ: “I fɔ we hyɛ, nɛ i lɛ́ binyumuwi kɛ biyiwi hyɛ.”

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Yoshua 10:20

Yoshua kɛ Israel bi ɔmɛ gbe nihi babauu nitsɛ; nihi bɔɔ pɛ nɛ ná blɔ ya sɛ a ma amɛ nɛ a fia gbogbo kɛ wo a he ɔ mi.

Samuel II, 24:6

nɛ a ya su Gilead kɛ Kadesh ngɛ Hit bi a zugba a nɔ. A je lejɛ ɔ kɛ ho Dan ya; nɛ́ a je Dan ɔ, a lɔgɔ si kɛ ho Sidon ya.