Yoshua 11:6 - BAIBLO ALOO NGMAMI KLƆUKLƆU Ɔ

⁶ Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”

Yoshua 11:6 ပူးပေါင်းရင်းမြစ်များ

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Samuel II, 8:4

David nuu Hadadezer okpɔngɔ ta buli akpe kɛ e nya lafa kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

Samuel I, 11:9

A de tsɔli ɔmɛ nɛ je Yabesh Gilead kɛ ba a ke, “Nyɛ ya de nyɛ bi ɔmɛ ke, ‘Hwɔɔ, loko pu maa da a, a ma he nyɛ yi wami!’ ” Benɛ tsɔli ɔmɛ ya bɔ Yabesh bi ɔmɛ amaniɛ ɔ, a bua jɔ,

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”

Yoshua 11:9

Yoshua pee bɔ nɛ Yawɛ fa lɛ ke e pee ɔ; e poo a we okpɔngɔ ɔmɛ a nane se pani, nɛ e sã a ta zugba lɛ ɔmɛ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 30:16

Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Abɛ Womi 20:7

Bimɛ nɛ a tsɛ yeɔ anɔkuale, nɛ e peeɔ nɔ́ nɛ da a, a gbaa mɛ.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Kronika II, 20:16

Hwɔɔ ɔ, nyɛɛ hia nɛ nyɛɛ kɛ mɛ ya kpe; a gu Ziz yo kpɛ blɔ ɔ nɔ kɛ ma; nyɛ ma ya na mɛ ngɛ kɔ̃ ɔ nya ngɛ Yeruel nga a hɛ mi.

Yoshua 3:5

Yoshua de ma a ke, “Nyɛɛ tsukɔ nyɛ he; ejakaa hwɔɔ ɔ, Yawɛ maa pee nyakpɛ níhi ngɛ nyɛ kpɛti.”

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Yoshua 11:5

Matsɛmɛ nɛ ɔmɛ tsuo bua a tabo ɔmɛ a nya ngɛ he kake, nɛ a gba ta ngɔ wo Israel he ngɛ Merom pa a nya.

Yoshua 11:7

Kɛkɛ nɛ Yoshua kɛ Israel tabo ɔ tsuo ya tua Yabin ta a ngɛ Merom pa a nya, be mi nɛ a hɛ be a he nɔ.

Manyadali 7:9

Jamɛ a nyɔ ɔ mi nɔuu ɔ, Yawɛ de Gideon ke, “Yaa nɛ o ya tua he nyɛli ɔmɛ a ta a esɔesɔ; ejakaa i ngɔ mɛ kɛ wo o dɛ mi!

Ezekiel 39:9

Israel ma mi bi ɔmɛ maa je kpo, nɛ a ma ya mɛ ta hwumi ní ɔmɛ a he la. A maa sã a tsɛ̃i wawi, kɛ̃ɛ̃ mi bihi, akplɔhi, kɛ tso kpokuhi babauu nɛ he nyɛli ɔmɛ si ɔ. A kɛ maa pee lɛ́ nɛ a ma slɛ jeha kpaago sɔuu.

Nahum 2:13

Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Matsɛmɛ II, 6:16

Elisha de lɛ ke, “Koo ye gbeye! Nimli nɛ ngɛ wa se ɔ, a hiɛ babauu pe ni nɛmɛ nɛ ngɛ mɛɛ a se ɔ.”

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”