Yoshua 11:3 - BAIBLO ALOO NGMAMI KLƆUKLƆU Ɔ

³ Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 11:3 ပူးပေါင်းရင်းမြစ်များ

Mose I, 31:49

Laban hu de Yakob ke, “Be mi nɛ i kɛ mo wa mi gba a, Yawɛ nɛ bu wa he.” Enɛ ɔ he je ɔ, a wo lejɛ ɔ biɛ kpa ke Mizpa.

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Samuel II, 24:7

A nyɛɛ hluu kɛ ya su Tiro ma a nɛ a fia gbogbo kɛ bɔle lɛ ɔ, kɛ Hiv bi, kɛ Kanaan bi a ma amɛ tsuo a mi. Nyagbe ɔ, a ya su Beersheba, ngɛ Yuda leneyi je.

Matsɛmɛ I, 15:22

Pee se ɔ, Matsɛ Asa ha a fiɛ ngɛ Yuda tsuo ke nɔ tsuaa nɔ nɛ ba, konɛ ma a tsuo ba bua kɛ muɔ tɛhi, kɛ tsohi nɛ Baasha kɛ ba ngɛ Rama mae ɔ kɛ ho. Matsɛ Asa ngɔ ní nɛ ɔmɛ kɛ po Geba ma a ngɛ Benyamin, kɛ Mizpa ma a hulɔ.

Matsɛmɛ I, 9:20

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ, mɛ ji nihi nɛ Matsɛ Salomo nyɛ a nɔ kɛ tsu nyɔguɛ ní tsumi kpakpataa nɛ ɔmɛ ɔ. Mɛ ji Amor bi, Hit bi, Periz bi, Hiv bi, kɛ Yebus bi nɛ a nina ngɛ nyɔguɛ yee we kɛ ba si mwɔnɛ ligbi nɛ ɔ.

La 133:3

Nyɛmimɛ a kake peemi ngɛ kaa bɔ́ ngɛ Hermon yo ɔ nɔ; e ngɛ kaa bɔ́ nɛ ngɛ nɛe ngɛ Zion yo ɔmɛ a nɔ. Lejɛ ɔ nɛ Yawɛ wo si ngɛ ke e maa gbaa e ma a kɛ maa ya neneene.

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

Lahi 4:8

Ye we ayɛflo, ba nɛ wa kple si kɛ je Lebanon yo ɔmɛ a nɔ; ha nɛ waa je Lebanon; waa je Amana yo ɔ yi mi; waa je Senir kɛ Hermon yo ɔmɛ a yi mi he nɛ jatahi kɛ ngatsɛhi hii ɔ.

Yeremia 40:10

Imi nitsɛ lɛɛ ma hi Mizpa kaa nyɛ nya dalɔ, nɛ ke Babilonia bi ɔmɛ ba hiɛ ɔ, ma tu munyu ha nyɛ. Se nyɛɛ lɛɛ nyɛ ya bua wai, kɛ tso yibliihi, kɛ oliv nu nya kɛ to, nɛ nyɛɛ hi mahi nɛ nyɛ ngɔ ɔ a mi.”

Yeremia 40:6

Kɛkɛ nɛ i je kɛ ho Ahikam bi Gedalia ngɔ ya ngɛ Mizpa, nɛ i kɛ ma mi bi ɔmɛ nɛ piɛ ngɛ zugba a nɔ ɔ ya hi si.

Yeremia 41:14

Kɛkɛ nɛ mɛ tsuo pɛpɛɛpɛ a tu fo kɛ ba Yohanan ngɔ.

Yeremia 41:3

Israel bi tsuo nɛ ngɛ Gedalia ngɔ ngɛ Mizpa, kɛ Babilonia ta buli nɛ ngɛ lejɛ ɔ jamɛ a be ɔ mi ɔ, Ishmael gbe mɛ tsuo pɛpɛɛpɛ.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Mose V, 4:48

Zugba nɛ ɔ huzu ji kɛ je Aroer ma a mi kɛ ya su Arnon pa a nya, kɛ ya na Sirion yo ɔ ngɛ leneyi je; lɔ ɔ ji Hermon yo ɔ nɛ.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Yoshua 11:17

Zugba a fia si kɛ je Halak yo ɔ he ngɛ leneyi je ngɛ Edom kasa nya, kɛ kuɔ kɛ ya si Baalgad ngɛ omleyi je, ngɛ Lebanon kɔ̃ ɔ mi, ngɛ Hermon yo ɔ leneyi je. Yoshua kɛ zugba nɛ ɔ nɔ matsɛmɛ ɔmɛ hwu ta be saii. Nyagbe ɔ, e nuu mɛ nɛ e kpata mɛ tsuo pɛpɛɛpɛ a hɛ mi.

Yoshua 11:8

Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 13:11

Gilead, Geshur, Maaka, Hermon yo ɔ, Bashan, kɛ Saleka tsuo piɛ a zugba a he.

Yoshua 13:5

kɛ Gebal bi ɔmɛ a zugba a, kɛ Lebanon tsuo ngɛ beleku je, kɛ je Baalgad ngɛ Hermon yo ɔ sisi kɛ ya su Hamat yo kpɛ blɔ ɔ.

Yoshua 15:38

Dilean, Mizpa, Yokteel,

Yoshua 15:63

Yuda bi ɔmɛ nyɛ we nɛ a fie Yebus bi ɔmɛ nɛ hi Yerusalem ɔ kɛ je lejɛ ɔ. Lɔ ɔ he ɔ, Yebus bi ɔmɛ kɛ Yuda bi ɔmɛ ngɛ Yerusalem kɛ mwɔɔ.

Yoshua 18:26

Mizpa, Kefira, Moza,

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Manyadali 21:5

Israel bi ɔmɛ bi ke, “Anɛ Israel wɛtso ɔmɛ ekomɛ ngɛ nɛ mɛɛ a bɛ gua a mi ngɛ Yawɛ hɛ mi lo?” A ka kita agbo ke, nɔ tsuaa nɔ nɛ bɛ Yawɛ hɛ mi ngɛ Mizpa a, a gbe lɛ.

Manyadali 21:8

Benɛ a bi si ke Israel wɛtso ɔmɛ a ti mɛnɔ yɛ Yawɛ hɛ mi ngɛ Mizpa a, a na kaa nɔ ko nɔ ko ji Yabesh Gilead kɛ yɛ kpe ɔ,

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Manyadali 3:5

Lɔ ɔ he ɔ, Israel bi ɔmɛ hi Kanaan, Hit, Amor, Periz, Hiv, kɛ Yebus bi ɔmɛ a kpɛti.

Samuel I, 10:17

Jehanɛ Samuel ha Israel ma a tsuo ba bɔ gua ngɛ Mawu hɛ mi ngɛ Mizpa,