Yoshua 11:23 - BAIBLO ALOO NGMAMI KLƆUKLƆU Ɔ

²³ Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 11:23 ပူးပေါင်းရင်းမြစ်များ

Nehemia 9:24

Lɔ ɔ he ɔ, a bimɛ ɔmɛ ya nɛ a ya ngɔ zugba a. O jɔɔ Kanaan bi ɔmɛ a he, nɛ o ngɔ mɛ, a matsɛmɛ ɔmɛ, kɛ zugba a tsuo ngɔ wo o ma a dɛ, konɛ a pee mɛ bɔ nɛ a suɔ.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Mose II, 34:11

Mlaa nɛ i ngɛ mo woe mwɔnɛ ɔ, moo ye nɔ. Ma fie Amor bi, Kanaan bi, Hit bi, Periz bi, Hiv bi, kɛ Yebus bi ɔmɛ kɛ je blɔ mi ha mo.

Ezekiel 45:8

Zugba nɛ ganɔ nɛ ngɛ ma a nɔ yee ɔ ma na ngɛ Israel bi ɔmɛ a kpɛti ji nɛ ɔ nɛ. Ke nyɛ pee ja a, ganɔ ɔmɛ be ye ma a blɔ nya ní kpɔe ngɛ a dɛ, se mohu a maa dla zugba a mi kɛ ha wɛtso ɔmɛ pɛpɛɛpɛ.

Mose V, 1:38

Nun bi Yoshua, o sɔmɔlɔ ɔ lɛɛ e ma ya su lejɛ ɔ. Wo lɛ he wami, ejakaa lɛ nɛ e maa nyɛɛ Israel ma a hɛ mi kɛ ya ngɔ zugba a.’

Mose V, 25:19

Lɔ ɔ he ɔ, ke Yawɛ, o Mawu ɔ ngɔ zugba a ngɔ ha mo, nɛ e je mo kɛ je o he nyɛli tsuo nɛ bɔle mo kɛ kpe ɔ a dɛ mi ɔ, hyɛ nɛ o gbe Amalek bi ɔmɛ tsuo, konɛ nɔ ko kó kai mɛ hu. O hɛ ko je nɔ kɔkɔɔkɔ!

Yoshua 12:7

Yoshua kɛ Israel bi ɔmɛ kpata matsɛmɛ ɔmɛ tsuo nɛ ngɛ Yordan pa a bonyoku je ɔ a hɛ mi, kɛ je Baal Gad ngɛ Lebanon kɔ̃ ɔ mi kɛ ya su Halak yo ɔ he ngɛ leneyi je ngɛ Edom kasa nya. Yoshua dla zugba nɛ ɔ ngɔ ha Israel bi ɔmɛ wɛtso nya wɛtso nya, nɛ e pee a weto ní.

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Yoshua 23:1

Be saii se ɔ, Yawɛ ha Israel tue mi jɔmi, nɛ a he nyɛli ɔmɛ nɛ bɔle mɛ ɔ doo we a nya hu. Jamɛ a be ɔ mi ɔ, Yoshua bwɔ kotokoto.