Yoshua 11:20 - BAIBLO ALOO NGMAMI KLƆUKLƆU Ɔ

²⁰ Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

Yoshua 11:20 ပူးပေါင်းရင်းမြစ်များ

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Matsɛmɛ I, 12:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi; Yawɛ lɛ ha nɛ matsɛ ɔ pee ja, bɔ nɛ pee nɛ si nɛ lɛ Yawɛ, ɔ Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Mose II, 10:1

Yawɛ de Mose ke, “Yaa nɛ o ya na Farao ɔ. I kplii e kɛ e tsɔli ɔmɛ a tsui, bɔ nɛ pee nɛ ma pee ye we okadi nɛ ɔmɛ ngɛ a kpɛti,

Mose II, 11:10

Mose kɛ Aaron pee nyakpɛ ní nɛ ɔmɛ tsuo ngɛ Farao ɔ hɛ mi; se Yawɛ kplii Farao ɔ tsui, nɛ e ha we nɛ Israel bi ɔmɛ nɛ a je zugba a nɔ kɛ ho.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 14:8

Yawɛ kplii Egipt matsɛ ɔ tsui, nɛ be nɛ Israel bi ɔmɛ yaa kɛ gɛjɛmi ɔ, e fie a se.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Mose II, 9:12

Se Yawɛ ha nɛ Farao ɔ kplii e tsui, nɛ kaa bɔ nɛ e de Mose ɔ, Farao ɔ bui mɛ tue fɛɛ.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Yesaya 14:24

Yawɛ Tabohiatsɛ ɔ ka kita ke, “Nɔ́ nɛ i to kaa ma pee ɔ maa ba mi ja. Nɔ́ nɛ i to ye yi mi kaa ma tsu ɔ, ma tsu kokooko.

Yesaya 34:2

Yawɛ mi mi fu je ma amɛ tsuo, nɛ e hɛ dɔ kɛ wo ta buli ɔmɛ tsuo. E gbiɛ mɛ, nɛ e ngɔ mɛ ngɔ ha ke a gbe mɛ.

Romabi 9:18

Lɔ ɔ he ɔ, nɔ nɛ Mawu suɔ kaa e maa na lɛ mɔbɔ ɔ, e naa lɛ mɔbɔ, nɛ nɔ nɛ e suɔ kaa e wa tue ɔ, e haa e waa tue.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Manyadali 14:4

E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.