Yoshua 11:17 - BAIBLO ALOO NGMAMI KLƆUKLƆU Ɔ

^17-18 Zugba a fia si kɛ je Halak yo ɔ he ngɛ leneyi je ngɛ Edom kasa nya, kɛ kuɔ kɛ ya si Baalgad ngɛ omleyi je, ngɛ Lebanon kɔ̃ ɔ mi, ngɛ Hermon yo ɔ leneyi je. Yoshua kɛ zugba nɛ ɔ nɔ matsɛmɛ ɔmɛ hwu ta be saii. Nyagbe ɔ, e nuu mɛ nɛ e kpata mɛ tsuo pɛpɛɛpɛ a hɛ mi.

Yoshua 11:17 ပူးပေါင်းရင်းမြစ်များ

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

Yoshua 13:5

kɛ Gebal bi ɔmɛ a zugba a, kɛ Lebanon tsuo ngɛ beleku je, kɛ je Baalgad ngɛ Hermon yo ɔ sisi kɛ ya su Hamat yo kpɛ blɔ ɔ.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 1:4

Nyɛ huzu maa je nga a nɔ ngɛ leneyi je, kɛ ya su Lebanon ngɛ omleyi je; jehanɛ, kɛ je Yufrate pa a nya ngɛ beleku je, kɛ gu Hit bi ɔmɛ a zugba a mi, kɛ ya ta Mediterenia wo ɔ nya ngɛ bonyoku je tɔɔ.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 2:1

“Nyagbe ɔ, wa kpale hia kɛ gu Wo Tsu ɔ nya blɔ kɛ ho nga a nɔ ya kaa bɔ nɛ Yawɛ fa wɔ ɔ. Wa wo lalaalo be babauu ngɛ Edom yo zugba a nɔ.

Mose I, 32:3

Yakob tsɔ nihi kɛ sɛ e hlami kɛ ho e nyɛmi Esau ngɔ ya ngɛ Edom zugba a nɔ.

Mose V, 3:9

(Sidon bi ɔmɛ tsɛɔ Hermon yo ɔ ke Sirion, se Amor bi ɔmɛ tsɛɔ lɛ Senir.)

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

Mose V, 1:7

nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.