Yoshua 11:16 - BAIBLO ALOO NGMAMI KLƆUKLƆU Ɔ

¹⁶ Yoshua ngɔ zugba a tsuo: yo nɔ kɛ kɔ̃ mi zugba a ngɛ leneyi je kɛ omleyi je tsuo, Goshen zugba a, Yordan kɔ̃ ɔ, kɛ Israel yo ɔmɛ kɛ a he nga kplanaa a.

Yoshua 11:16 ပူးပေါင်းရင်းမြစ်များ

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Ezekiel 17:23

Israel yo gagaa pe kulaa a nɔ ma ma ngɛ. E ma gba kɔnihi, nɛ e maa wo yiblii; e maa pee seda tso agbo kɛ e he fɛu. Lohwe pɛlitsɛmɛ slɔɔtoslɔɔto tsuo ma ba hi e hɔ̃ ɔ mi.

Ezekiel 36:8

Se Israel yo ɔmɛ a nɔ lɛɛ tso ɔmɛ ma gba kɔnihi, nɛ a maa wo yiblii ha nyɛ ekohu. Be nɛ nyɛ maa kpale kɛ ba we ekohu ɔ su ta.

Mose V, 1:7

nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Yoshua 10:41

Yoshua ye zugba a tsuo nɔ, kɛ je Kadesh Barnea kɛ ya su Gaza tɔɔ, kɛ Goshen zugba a, kɛ ya su Gibeon tɔɔ.

Yoshua 11:15

Bɔ nɛ Yawɛ fa e tsɔlɔ Mose ɔ, jã kɛ̃ Mose fa Yoshua, nɛ ja pɛpɛɛpɛ Yoshua pee ɔ nɛ. E si we níhi nɛ Yawɛ fa Mose ke a pee ɔ ekoeko nɛ e pee we.

Yoshua 11:2

kɛ matsɛmɛ ɔmɛ nɛ ngɛ yo ɔmɛ a nɔ ngɛ omleyi je, kɛ Yordan kɔ̃ ɔ mi ngɛ Galilea wo ɔ leneyi je, kɛ nga kpataa a nɔ, kɛ ni nɛmɛ nɛ ngɛ wo ɔ nya ngɛ Dor kasa nya a.

Yoshua 11:21

Jamɛ a be ɔ mi ɔ, Yoshua ya kpata oblaihi a nina komɛ a hɛ mi. A tsɛɛ mɛ ke Anak bi. Nimli nɛ ɔmɛ hii Hebron, Debir, Anab, Yuda, kɛ Israel yo ɔmɛ tsuo a nɔ. Yoshua kpata ni ɔmɛ kɛ a ma amɛ tsuo a hɛ mi pɛsɛpɛsɛ.

Yoshua 12:8

Zugba a ngɛ yo nɔ kɛ kɔ̃ mi; Yordan kɔ̃ ɔ kɛ nga kplanaa a nɔ, kɛ yo ɔmɛ a kuɛ si, kɛ nga a nɔ, kɛ leneyi je tsuo. Nihi nɛ hi lejɛ ɔ hyɛ ji Hit bi, Amor bi, Periz bi, Hiv bi, kɛ Yebus bi.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.