Yoshua 11:15 - BAIBLO ALOO NGMAMI KLƆUKLƆU Ɔ

¹⁵ Bɔ nɛ Yawɛ fa e tsɔlɔ Mose ɔ, jã kɛ̃ Mose fa Yoshua, nɛ ja pɛpɛɛpɛ Yoshua pee ɔ nɛ. E si we níhi nɛ Yawɛ fa Mose ke a pee ɔ ekoeko nɛ e pee we.

Yoshua 11:15 ပူးပေါင်းရင်းမြစ်များ

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Mose IV, 33:50

Jehanɛ, Yawɛ kɛ Mose tu munyu ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ, nɛ e de lɛ ke,

Mose IV, 33:52

nyɛɛ fie zugba a nɔ bi ɔmɛ tsuo kɛ je lejɛ ɔ. Nyɛɛ ywia a we amaga amɛ tsuo nɛ a ngɔ tɛ, loo nɔ́ ko nɛ a sile kɛ pee ɔ; a jami he ɔmɛ hu nyɛɛ gbɛ mɛ.

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Luka 11:42

“Nyɛ Farisi bi, musu tloo nyɛ! Nyɛ haa Mawu kowɛ, kɛ pui, kɛ ba slɔɔtohi tsuo mi dlami nyɔngmanyɔngma mi kakaaka, se dami sane yemi, kɛ Mawu suɔmi lɛɛ nyɛ si se. E sa kaa nyɛ peeɔ enɛ ɔmɛ, nɛ ekpa amɛ hu nyɛ ko si se.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose V, 31:3

Yawɛ, nyɛ Mawu ɔ ma kpaka nyɛ, nɛ e ma kpata ma amɛ nɛ ngɛ lejɛ ɔ a hɛ mi, konɛ nyɛ nyɛ nɛ nyɛɛ ngɔ zugba a; nɛ Yoshua maa pee nyɛ hɛ mi nyɛɛlɔ kaa bɔ nɛ Yawɛ de ɔ.

Mose V, 31:5

Yawɛ ma ha nɛ nyɛɛ ye nyɛ he nyɛli ɔmɛ a nɔ, nɛ́ nyɛɛ pee mɛ kaa bɔ nɛ i de nyɛ ɔ pɛpɛɛpɛ.

Mose V, 31:7

Jehanɛ, Mose tsɛ Yoshua nɛ e de lɛ ngɛ Israel ma kpekpemi ɔ hɛ mi ke, “O he nɛ wa, nɛ o pee kã; mo ji nɔ nɛ maa nyɛɛ Israel ma a hɛ mi kɛ ya ngɔ zugba a nɛ Yawɛ wo a nɛmɛ si ke e kɛ ma ha mɛ ɔ nɛ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Yoshua 11:12

Yoshua ngɔ ma nɛ ɔmɛ tsuo nɛ e kpata a kɛ a matsɛmɛ ɔmɛ a hɛ mi pɛsɛpɛsɛ kaa bɔ nɛ Yawɛ tsɔlɔ Mose fa lɛ ke e pee ɔ.

Yoshua 11:14

Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Yoshua 11:16

Yoshua ngɔ zugba a tsuo: yo nɔ kɛ kɔ̃ mi zugba a ngɛ leneyi je kɛ omleyi je tsuo, Goshen zugba a, Yordan kɔ̃ ɔ, kɛ Israel yo ɔmɛ kɛ a he nga kplanaa a.

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.