Yoshua 11:14 - BAIBLO ALOO NGMAMI KLƆUKLƆU Ɔ

¹⁴ Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Yoshua 11:14 ပူးပေါင်းရင်းမြစ်များ

Kronika II, 20:25

Yehoshafat kɛ e ta buli ɔmɛ ba nɛ a ba ha ní ngɛ ni gbogboe ɔmɛ a he. Ta yibu ní nɛ a ha ji nɛ ɔmɛ nɛ: na babauu, niye ní, tade, kɛ ní kpa komɛ nɛ a he jua wa. A ngɔ ligbi etɛ kɛ bua ta yibu ní ɔmɛ a nya. Se a je fuu he, ejakaa ní ɔmɛ hiɛ tsɔ.

Mose IV, 31:9

Israel bi ɔmɛ nuu Midian yi ɔmɛ, kɛ jokuɛwi ɔmɛ nyɔguɛ. A ha a na amɛ, a to ɔmɛ, kɛ a he níhi tsuo,

Mose V, 20:14

Yi ɔmɛ, jokuɛwi ɔmɛ, we mi lohwe ɔmɛ, kɛ níhi tsuo nɛ ngɛ ma a mi ɔ, o ma nyɛ maa ngɔ kɛ pee o nɔ. O he nyɛli ɔmɛ a tabo ɔ mi ní ɔmɛ tsuo maa pee o nɔ́. Yawɛ, o Mawu ɔ nɛ ngɔ ha mo.

Mose V, 20:16

“Se ke o ngɔ ma amɛ nɛ Yawɛ, o Mawu ɔ ngɔ kɛ ngɛ mo hae ngɛ zugba a nɔ ɔ, gbee a mi nimli ɔmɛ tsuo.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Yoshua 11:11

A kpata nɔ tsuaa nɔ hɛ mi ngɛ lejɛ ɔ; nɔ kake po píɛ. Nɛ a sã Hazor ma a.

Yoshua 11:13

Se Israel bi ɔmɛ sɛ̃ ma amɛ nɛ ngɛ kpo ɔmɛ a nɔ ɔ ekoeko, ja Hazor pɛ nɛ Yoshua sã.

Yoshua 11:15

Bɔ nɛ Yawɛ fa e tsɔlɔ Mose ɔ, jã kɛ̃ Mose fa Yoshua, nɛ ja pɛpɛɛpɛ Yoshua pee ɔ nɛ. E si we níhi nɛ Yawɛ fa Mose ke a pee ɔ ekoeko nɛ e pee we.

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:27

Lohwehi kɛ ta yibu níhi pɛ nɛ Israel bi ɔmɛ ha ha a he.