Yoshua 11:12 - BAIBLO ALOO NGMAMI KLƆUKLƆU Ɔ

¹² Yoshua ngɔ ma nɛ ɔmɛ tsuo nɛ e kpata a kɛ a matsɛmɛ ɔmɛ a hɛ mi pɛsɛpɛsɛ kaa bɔ nɛ Yawɛ tsɔlɔ Mose fa lɛ ke e pee ɔ.

Yoshua 11:12 ပူးပေါင်းရင်းမြစ်များ

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Yoshua 10:20

Yoshua kɛ Israel bi ɔmɛ gbe nihi babauu nitsɛ; nihi bɔɔ pɛ nɛ ná blɔ ya sɛ a ma amɛ nɛ a fia gbogbo kɛ wo a he ɔ mi.

Yoshua 10:28

Yoshua ye Makeda nɔ kunimi jamɛ a ligbi ɔ. E gbe ma a mi bi ɔmɛ, kɛ a matsɛ ɔ; e kpata nɔ tsuaa nɔ hɛ mi, nɛ nɔ kake po píɛ. Bɔ nɛ e pee Yeriko matsɛ ɔ, jã pɛpɛɛpɛ e pee Makeda matsɛ ɔ.

Yoshua 10:30

Yawɛ ngɔ ma nɛ ɔ, kɛ matsɛ ɔ ngɔ wo a dɛ nɛ a gbe mɛ tsuo pɛpɛɛpɛ; a kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yoshua pee Yeriko matsɛ ɔ, jã pɛpɛɛpɛ nɛ e pee Libna matsɛ ɔ.

Yoshua 10:32

Yawɛ ngɔ Lakish ngɔ wo Israel bi ɔmɛ a dɛ, nɛ ligbi enyɔne ɔ nɔ ɔ, a ngɔ ma a. Kaa bɔ nɛ a pee ngɛ Libna a, ja nɔuu a gbe nɔ tsuaa nɔ ngɛ ma a mi, nɛ nɔ kake po píɛ ngɛ Lakish ma a mi.

Yoshua 10:35

A ngɔ ma a jamɛ a ligbi ɔ nɔuu, nɛ a kpata nɔ tsuaa nɔ hɛ mi pɛsɛpɛsɛ kaa bɔ nɛ a pee ngɛ Lakish ɔ.

Yoshua 10:37

nɛ a ngɔ ma a. A gbe matsɛ ɔ, kɛ ma mi bi ɔmɛ tsuo. Nihi nɛ ngɛ ma amɛ nɛ bɔle Hebron ɔ mi hu, a gbe mɛ tsuo pɛpɛɛpɛ. Yoshua kpata nɔ tsuaa nɔ hɛ mi pɛsɛpɛsɛ, kaa bɔ nɛ e pee ngɛ Eglon ɔ; nɔ kake po píɛ.

Yoshua 11:13

Se Israel bi ɔmɛ sɛ̃ ma amɛ nɛ ngɛ kpo ɔmɛ a nɔ ɔ ekoeko, ja Hazor pɛ nɛ Yoshua sã.

Yoshua 11:15

Bɔ nɛ Yawɛ fa e tsɔlɔ Mose ɔ, jã kɛ̃ Mose fa Yoshua, nɛ ja pɛpɛɛpɛ Yoshua pee ɔ nɛ. E si we níhi nɛ Yawɛ fa Mose ke a pee ɔ ekoeko nɛ e pee we.

Yoshua 13:6

Sidon bi ɔmɛ a zugba a tsuo nɛ ngɛ kɛ je Lebanon yo ɔmɛ a nɔ kɛ ya su Misrefot Maim pa a nya a hu piɛ he. Imi nitsɛ ma fie nimli nɛ ɔmɛ kɛ je Israel bi ɔmɛ a blɔ ɔ mi. Moo lɛɛ moo dla zugba a ngɔ ha Israel bi ɔmɛ, nɛ e pee a weto ní, kaa bɔ nɛ i fa mo ɔ.

Yoshua 21:44

Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

Yoshua 8:31

E ma lɛ kaa bɔ nɛ Yawɛ tsɔlɔ Mose fa Israel bi ɔmɛ ke a pee ɔ. Bɔ nɛ a ngma ngɛ Mose mlaa womi ɔ mi ji nɛ ɔ nɛ: “Bɔ sami la tɛ nɛ a kɛ tɛhi nɛ a kɛ dade kó we ma.” A sã sami bɔhi ngɛ nɔ kɛ ha Yawɛ, nɛ a sã tue mi jɔmi bɔhi hulɔ.

Yoshua 8:8

Ke nyɛ ngɔ ma a, nyɛɛ mɛ he la kaa bɔ nɛ Yawɛ fa nyɛ ɔ. Nyɛɛ hyɛ nɛ nyɛɛ pee ja pɛpɛɛpɛ.”

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.