Yoshua 10:8 - BAIBLO ALOO NGMAMI KLƆUKLƆU Ɔ

⁸ Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 10:8 ပူးပေါင်းရင်းမြစ်များ

Matsɛmɛ I, 20:13

Jamɛ a be ɔ nɔuu ɔ, gbalɔ ko ba Israel matsɛ Ahab ngɔ, nɛ e ba de lɛ ke, “Yawɛ ke, ‘Koo ye tabo agbo nɛ ɔ gbeye! Mwɔnɛ ɔ, ma ngɔ mɛ kɛ wo o dɛ mi, konɛ o na nɛ o le kaa imi ji Yawɛ.’ ”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose V, 3:2

Kɛkɛ nɛ Yawɛ de mi ke, ‘Koo ye lɛ gbeye, ejakaa i ngɔ e kɛ e ma a, kɛ e zugba a tsuo ngɔ wo o dɛ nɛ o pee lɛ kaa bɔ nɛ o pee Amor bi ɔmɛ a matsɛ, Sihon nɛ hi Heshbon ɔ.’

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

Yoshua 10:25

Jehanɛ, Yoshua de ma a ke, “Nyɛ ko ye gbeye, nɛ nyɛ ko nu sawale hulɔ. Nyɛ he nɛ wa, nɛ nyɛɛ pee kã; ejakaa kikɛ nɛ ɔ Yawɛ maa pee nyɛ he nyɛli ɔmɛ tsuo!”

Yoshua 10:9

Yoshua kɛ e tabo ɔ nyɛɛ nyɔnyɔɔnyɔ kɛ je Gilgal kɛ ho Gibeon ya ya tua Amor bi ɔmɛ, be mi nɛ a hɛ be a he nɔ.

Yoshua 11:6

Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”

Yoshua 8:1

Jehanɛ, Yawɛ de Yoshua ke, “O kɛ tabo ɔ tsuo nyɛɛ kuɔ yo ɔ kɛ ya Ai. Sawale kó nu mo, nɛ o tsui kó po hulɔ. Ma ha o maa ye Ai matsɛ ɔ, kɛ e ma a a nɔ, nɛ zugba a tsuo maa pee nyɛ nɔ.

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Manyadali 7:9

Jamɛ a nyɔ ɔ mi nɔuu ɔ, Yawɛ de Gideon ke, “Yaa nɛ o ya tua he nyɛli ɔmɛ a ta a esɔesɔ; ejakaa i ngɔ mɛ kɛ wo o dɛ mi!

Samuel I, 17:47

nɛ ma a nɛ bua ngɛ hiɛ ɔ hu maa le kaa pi klaate kɛ akplɔ nɛ Yawɛ kɛ heɔ nɔ yi wami. Yawɛ ye kunimi momo ngɛ ta a nya, nɛ e ma je nyɛ kɛ wo wa dɛ mi.”