Yoshua 10:6 - BAIBLO ALOO NGMAMI KLƆUKLƆU Ɔ

⁶ Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Yoshua 10:6 ပူးပေါင်းရင်းမြစ်များ

Matsɛmɛ II, 4:24

Kɛkɛ nɛ e mia teji yo ɔ, nɛ e de e tsɔlɔ ɔ ke, “Moo wo lohwe ɔ fo mlamlaamla nɛ waa ho; ko gbɔjɔ mi kɛ yaa si ma de mo loko o pee ja!”

La 125:2

Bɔ nɛ yohi bɔle Yerusalem kɛ kpe ɔ, ja Yawɛ he wami ɔ bɔle e ma a kɛ kpe kɛ je be nɛ ɔ mi kɛ yaa neneene tsuo.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Luka 1:39

E kɛ we nɛ Maria dla e he, nɛ e pue nɔ esɔ kɛ ho ma ko mi ya ngɛ Yudea yo nɔ zugba a mi.

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Yoshua 10:5

Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Yoshua 10:7

Kɛkɛ nɛ Yoshua kɛ e tabo ɔ tsuo, kɛ e katsɛmɛ ɔmɛ hia kɛ je Gilgal.

Yoshua 21:11

A ha mɛ Arba kɛ e he lohwe lɛmi zugba. (Anak tsɛ ji Arba a nɛ). Ma nɛ ɔ biɛ kpa ji Hebron, nɛ e ngɛ Yuda yo ɔmɛ a nɔ.

Yoshua 5:10

Benɛ Israel ma a pueɔ si ngɛ Gilgal ngɛ Yeriko nga a nɔ ɔ, a ye Hetsɔmi ɔ ngɛ nyɔhiɔ ɔ ligbi nɛ ji nyɔngma kɛ eywiɛ ɔ nɔ.

Yoshua 9:15

Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Yoshua 9:6

A ba na Yoshua kɛ Israel bi ɔmɛ ngɛ ma sito he ɔ ngɛ Gilgal, nɛ a de mɛ ke, “Wa je he kɛ. Wa suɔ nɛ waa kɛ nyɛ nɛ so.”

Yoshua 9:8

A de Yoshua ke, “Wa ma sɔmɔ mo.” E bi mɛ ke, “Mɛnɔmɛ ji nyɛ? Jije nyɛ je?”