Yoshua 10:5 - BAIBLO ALOO NGMAMI KLƆUKLƆU Ɔ

⁵ Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Yoshua 10:5 ပူးပေါင်းရင်းမြစ်များ

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Yeremia 34:7

Jamɛ a be ɔ, Babilonia matsɛ ɔ tabo ɔ ya tua ma a momo, nɛ a kɛ Lakish kɛ Azeka hu ngɛ ta hwue. Ma nɛ ɔmɛ pɛ ji Yuda mahi nɛ a fia gbogbo ngɔ wo a he ɔ nɛ piɛ.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Yoshua 10:16

Matsɛmɛ enuɔ nɛ ɔmɛ ma fo nɛ a ya laa a he ngɛ Makeda tɛ puɔ ɔ mi.

Yoshua 10:6

Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Samuel I, 7:14

Jehanɛ, ma amɛ nɛ Filisti bi ɔmɛ kpɔ ngɛ Israel dɛ kɛ je Ekron kɛ ya si Gat kɛ a he zugba amɛ ɔ, a kpale mɛ tsuo ngɔ ha Israel ekohu. Nɛ tue mi jɔmi ba Israel bi ɔmɛ, kɛ Amor bi ɔmɛ a kpɛti.