Yoshua 10:42 - BAIBLO ALOO NGMAMI KLƆUKLƆU Ɔ

⁴² Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:42 ပူးပေါင်းရင်းမြစ်များ

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 80:3

Mawu, kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami.

Mose II, 14:14

Yawɛ maa hwu ha nyɛ; nyɛɛ lɛɛ nyɛɛ buɛ dii!”

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Yesaya 43:4

Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Yoshua 10:14

Nɔ́ nɛ ba nɛ ɔ, kaa Yawɛ bu nɔmlɔ kake kue fami tue, nɛ e ha pu kɛ nyɔhiɔ nyɛ da si nɛ a nyɛɛ we ɔ, eko bɛ hyɛ. Yawɛ hwu ta ha Israel!

Yoshua 10:43

Enɛ ɔ se ɔ, Yoshua kɛ Israel tabo ɔ tsuo kpale a se kɛ ba ma sito he ɔ ngɛ Gilgal.