Yoshua 10:40 - BAIBLO ALOO NGMAMI KLƆUKLƆU Ɔ

⁴⁰ Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Yoshua 10:40 ပူးပေါင်းရင်းမြစ်များ

Matsɛmɛ I, 15:29

Benɛ Baasha bɔni matsɛ yemi pɛ nɛ e gbe nɔ tsuaa nɔ ngɛ Yeroboam we ɔ mi kaa bɔ nɛ Yawɛ de to kɛ gu e tsɔlɔ, gbalɔ Ahiya, Shilo no ɔ nɔ ɔ. A gbe nɔ tsuaa nɔ ngɛ Yeroboam we ɔ mi; nɔ kake po piɛ.

Nehemia 9:24

Lɔ ɔ he ɔ, a bimɛ ɔmɛ ya nɛ a ya ngɔ zugba a. O jɔɔ Kanaan bi ɔmɛ a he, nɛ o ngɔ mɛ, a matsɛmɛ ɔmɛ, kɛ zugba a tsuo ngɔ wo o ma a dɛ, konɛ a pee mɛ bɔ nɛ a suɔ.

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Mose IV, 13:17

Benɛ Mose tsɔ mɛ ke a ya slaa Kanaan zugba a, e de mɛ ke, “Nyɛɛ gu omleyi je kɛ ya kuɔ yoku ɔmɛ.

Mose V, 1:7

nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.

Mose V, 2:34

Jamɛ a be ɔ mi nɔuu nɛ wa ngɔ e ma amɛ tsuo, nɛ wa kpata mɛ tsuo pɛpɛɛpɛ a hɛ mi. Wa gbe nɔ tsuaa nɔ, nyumuhi, yihi, kɛ jokuɛwi tsuo; wa si we nɔ kake po.

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

Yoshua 10:35

A ngɔ ma a jamɛ a ligbi ɔ nɔuu, nɛ a kpata nɔ tsuaa nɔ hɛ mi pɛsɛpɛsɛ kaa bɔ nɛ a pee ngɛ Lakish ɔ.

Yoshua 10:37

nɛ a ngɔ ma a. A gbe matsɛ ɔ, kɛ ma mi bi ɔmɛ tsuo. Nihi nɛ ngɛ ma amɛ nɛ bɔle Hebron ɔ mi hu, a gbe mɛ tsuo pɛpɛɛpɛ. Yoshua kpata nɔ tsuaa nɔ hɛ mi pɛsɛpɛsɛ, kaa bɔ nɛ e pee ngɛ Eglon ɔ; nɔ kake po píɛ.

Yoshua 10:39

E ngɔ ma a, matsɛ ɔ, kɛ kɔpehi nɛ bɔle ma a. A gbe nɔ tsuaa nɔ, nɛ nɔ kake po píɛ. Bɔ nɛ Yoshua pee Hebron, kɛ Libna, kɛ a matsɛmɛ ɔmɛ ɔ, ja nɔuu e pee Debir, kɛ Debir matsɛ ɔ.

Yoshua 11:16

Yoshua ngɔ zugba a tsuo: yo nɔ kɛ kɔ̃ mi zugba a ngɛ leneyi je kɛ omleyi je tsuo, Goshen zugba a, Yordan kɔ̃ ɔ, kɛ Israel yo ɔmɛ kɛ a he nga kplanaa a.

Yoshua 12:8

Zugba a ngɛ yo nɔ kɛ kɔ̃ mi; Yordan kɔ̃ ɔ kɛ nga kplanaa a nɔ, kɛ yo ɔmɛ a kuɛ si, kɛ nga a nɔ, kɛ leneyi je tsuo. Nihi nɛ hi lejɛ ɔ hyɛ ji Hit bi, Amor bi, Periz bi, Hiv bi, kɛ Yebus bi.

Yoshua 18:21

Mahi nɛ Benyamin wɛtso ɔ ná we puɔ nya we puɔ nya ji nɛ ɔmɛ nɛ: Yeriko, Bet Hogla, Emek Keziz,

Yoshua 6:17

Nyɛ kpata ma a kɛ e mi nɔ́ tsuaa nɔ́ hɛ mi ha Yawɛ; Rahab, yo ajuama a, kɛ nɔ tsuaa nɔ nɛ kɛ lɛ ngɛ e we ɔ mi ɔ, mɛ pɛ a yi nɛ na wami; ejakaa e ngɔ slaali ɔmɛ nɛ wa tsɔ ɔ kɛ laa.

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:27

Lohwehi kɛ ta yibu níhi pɛ nɛ Israel bi ɔmɛ ha ha a he.

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.