Yoshua 10:4 - BAIBLO ALOO NGMAMI KLƆUKLƆU Ɔ

⁴ “Nyɛɛ ba nɛ nyɛ ba piɛ ye he, konɛ wa ya kpata Gibeon bi ɔmɛ a hɛ mi; ejakaa a kɛ Yoshua kɛ Israel bi ɔmɛ ya tsɔ huɛ.”

Yoshua 10:4 ပူးပေါင်းရင်းမြစ်များ

Yoshua 9:15

Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Yoshua 10:1

Yerusalem matsɛ, Adonizedek nu kaa Yoshua ngɔ Ai ma a, nɛ e kpata ma a hɛ mi pɛsɛpɛsɛ. E nu kaa Yoshua gbe matsɛ ɔ, kaa bɔ nɛ e pee Yeriko ma a, kɛ matsɛ ɔ. E nu hu kaa Gibeon bi ɔmɛ, kɛ Israel bi ɔmɛ ba pee huɛmɛ, nɛ a kɛ mɛ ngɛ.

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

1 Petro 4:4

Amlɔ nɛ ɔ lɛɛ e peeɔ mɛ nyakpɛ kaa nyɛ piɛ we a he kɛ pee we jamɛ a yakayaka ní ɔmɛ hu; nɛ lɔ ɔ he ɔ, a tuɔ nyɛ he munyu yaya.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Yoshua 10:5

Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.