Yoshua 10:27 - BAIBLO ALOO NGMAMI KLƆUKLƆU Ɔ

²⁷ Benɛ pu yaa nɔ si ɔ, Yoshua fa nɛ a ya je mɛ kɛ je tso ɔmɛ a nɔ. A ya hɛɛ mɛ ngɔ pue tɛ puɔ ɔ nɛ a ya laa a he ngɛ mi ɔ kɛ̃ mi. Kɛkɛ nɛ a ngɔ tɛ agboagbohi kɛ tsi tɛ puɔ ɔ nya; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

Yoshua 10:27 ပူးပေါင်းရင်းမြစ်များ

Samuel II, 18:17

A je Absalom nɛ a sake lɛ ngɔ fɔ muɔ agbo ko mi ngɛ hue ɔ mi, nɛ a muɔ tɛ babauu ngɔ pue e nɔ. Israel bi ɔmɛ tsuo tu fo, nɛ nɔ tsuaa nɔ pue lɛ nitsɛ e ma mi blɔ.

Yoshua 4:9

Jehanɛ, Yoshua hu kɛ tɛ nyɔngma kɛ enyɔ ɔmɛ ma si ngɛ Yordan pa a mi, he nɛ osɔfo ɔmɛ nɛ tloo somi daka a da si ngɛ ɔ. (Tɛ nɛ ɔmɛ ngɛ pa a mi ngɛ lejɛ ɔ kɛ mwɔɔ.)

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Yoshua 8:29

Se Ai matsɛ ɔ lɛɛ Yoshua sɛu lɛ ngɛ tso nɔ, nɛ e si e gbogboe ɔ ngɛ lejɛ ɔ kɛ ya si gbɔkuɛ nya si. Benɛ pu nɔ si ɔ, Yoshua fa nɛ a ya je gbogboe ɔ kɛ je tso ɔ nɔ. A sake lɛ ngɔ fɔ ma agbo ɔ nya, nɛ a to tɛhi glekuu ngɔ pue e nɔ; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.