Yoshua 10:24 - BAIBLO ALOO NGMAMI KLƆUKLƆU Ɔ

²⁴ Benɛ a kɛ matsɛmɛ ɔmɛ ba Yoshua ngɔ ɔ, Yoshua kpee Israel ma a tsuo kɛ ba; nɛ e de asafoatsɛmɛ ɔmɛ nɛ a kɛ lɛ ya ta a ke, “Nyɛɛ hɛ nyɛ kɛ ba nɛ nyɛɛ kɛ nyɛ nanehi ba ma matsɛmɛ nɛ ɔmɛ a kuɛhi a nɔ!” Asafoatsɛmɛ ɔmɛ pee ja.

Yoshua 10:24 ပူးပေါင်းရင်းမြစ်များ

Samuel II, 22:39

I fia mɛ ni, nɛ i gbe mɛ pue si ngɛ ye nane nya, nɛ a nyɛ we nɛ a te si hu.

Samuel II, 22:41

Mo lɛ o ha nɛ ye he nyɛli ɔmɛ tu fo kɛ je ye he; ni nɛmɛ nɛ te si ngɔ wo mi ɔ, mo lɛ o ha nɛ i kpata a hɛ mi.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 110:5

Nyɔmtsɛ ɔ ngɛ o hiɔ nɔ; ligbi ɔ nɛ e mi mi maa wo la a, e ma kpata matsɛmɛ ɔmɛ a hɛ mi.

La 18:40

Mo lɛ o ha nɛ ye he nyɛli ɔmɛ tu fo. Nihi nɛ nyɛɔ mi ɔ, mo lɛ o ha nɛ i kpata a hɛ mi.

La 91:13

O maa naa jata, kɛ sanga nɔ; o maa naa jata bi kɛ sinɔ nɔ.

Yesaya 51:23

O he nyɛli nɛ haoɔ mo, nihi nɛ ha o hwɔɔ si ngɛ zugba mi, nɛ a naa o nɔ kaa a naa gbɛjegbɛ nɔ ɔ, mɛ a dɛ mi ma ngɔ kplu ɔ kɛ wo.”

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Hebribi 1:13

Mawu de we Mawu bɔfo ɔmɛ a ti nɔ ko hyɛ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Manyadali 8:20

Kɛkɛ nɛ e de Yeter, e bitɛte ɔ ke, “Tee si nɛ o gbe mɛ!” Se niheyo ɔ híɛ e klaate ɔ. E ngɛ gbeye yee, ejakaa niheyo kɛkɛ ji lɛ.