Yoshua 10:21 - BAIBLO ALOO NGMAMI KLƆUKLƆU Ɔ

²¹ Pee se ɔ, ma kpekpemi ɔ tsuo kpale kɛ ba Yoshua ngɔ ngɛ ma sito he ɔ ngɛ Makeda; nɔ kake po nɔɛ ngɛ ta a mi. Kɛ je enɛ ɔ se ɔ, nɔ ko nɔ ko hla we munyu ngɛ Israel bi ɔmɛ a he hu.

Yoshua 10:21 ပူးပေါင်းရင်းမြစ်များ

Mose II, 11:7

Se Israel bi ɔmɛ lɛɛ gbe po be huãe kɛ wo nɔmlɔ ko, loo lohwe ko. Nɛ enɛ ɔmɛ nyɛ ma kɛ le kaa imi Yawɛ, i kɛ mi gbami ba Egipt bi ɔmɛ, kɛ Israel bi ɔmɛ a kpɛti.’

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Yesaya 57:4

Mɛnɔ he fɛu nyɛ ngɛ yee ɔ? Nyɛ lakpatsɛmɛ, yayami peeli a bimɛ, mɛnɔ he nyɛ pa nyɛ nya mi hatoo, nɛ nyɛ je nyɛ lilɛ kpo bilaa kɛ wo ɔ?

Yoshua 10:20

Yoshua kɛ Israel bi ɔmɛ gbe nihi babauu nitsɛ; nihi bɔɔ pɛ nɛ ná blɔ ya sɛ a ma amɛ nɛ a fia gbogbo kɛ wo a he ɔ mi.

Yoshua 10:22

Jehanɛ, Yoshua de ke, “Nyɛ bli tɛ puɔ ɔ nya, nɛ nyɛ je jamɛ a matsɛmɛ enuɔ ɔmɛ kpo kɛ ba ha mi.”