Yoshua 10:18 - BAIBLO ALOO NGMAMI KLƆUKLƆU Ɔ

¹⁸ Yoshua fa ke, “Nyɛ ya kpɛne tɛ agbo komɛ kɛ tsi tɛ puɔ ɔ nya, nɛ nyɛ ha nɛ nihi nɛ bu he;

Yoshua 10:18 ပူးပေါင်းရင်းမြစ်များ

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Mateo 27:66

Lɔ ɔ he ɔ, a pue nɔ kɛ ho nɛ a ya sɔu yɔkɔ ɔ nya. Nɛ a ha ta buli ɔmɛ bu he.

Yoshua 10:17

Nɔ ko ya na mɛ ngɛ lejɛ ɔ, nɛ e ba bɔ Yoshua he nɛ matsɛmɛ enuɔ ɔmɛ ya laa a he ngɛ ɔ.

Yoshua 10:19

nyɛ nitsɛmɛ lɛɛ nyɛ ko tlɔ lejɛ ɔ. Nyɛɛ nyɛɛ he nyɛli ɔmɛ a se, nɛ nyɛ tua mɛ kɛ je a se je; nyɛ ko ha nɛ a sɛ a ma amɛ a mi; ejakaa Yawɛ, nyɛ Mawu ɔ ngɔ mɛ ngɔ wo nyɛ dɛ mi.”

Yoshua 10:22

Jehanɛ, Yoshua de ke, “Nyɛ bli tɛ puɔ ɔ nya, nɛ nyɛ je jamɛ a matsɛmɛ enuɔ ɔmɛ kpo kɛ ba ha mi.”