Yoshua 10:16 - BAIBLO ALOO NGMAMI KLƆUKLƆU Ɔ

¹⁶ Matsɛmɛ enuɔ nɛ ɔmɛ ma fo nɛ a ya laa a he ngɛ Makeda tɛ puɔ ɔ mi.

Yoshua 10:16 ပူးပေါင်းရင်းမြစ်များ

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

La 68:13

Mɛɛ lɛɛ to tsu ɔmɛ a kasa nya kɛkɛ a ngɛ, se a he pee fɛu kaa lahuɛhi nɛ sika hiɔ ha a he, kaa lahuɛ tsɛlihi kɛ a he sika tsu ngmingmiingmi.

Amos 9:2

Ke a tsua si kɛ ho gbeje ya tete po, ma ya gbla mɛ ngɛ lejɛ ɔ kɛ je kpo. Nɛ ke a kuɔ kɛ ya hiɔwe po, ma ha a ma kple kɛ ba zugba.

Mika 7:17

A maa sã si ngɛ tabo zu mi kaa sinɔhi. A kɛ he domi kɛ gbeye yemi maa je a mɔ ɔmɛ a mi kɛ ba Yawɛ, wa Mawu ngɔ.

Yoshua 10:15

Enɛ ɔ se ɔ, Yoshua kɛ e tabo ɔ tsuo kpale a se kɛ ba ma sito he ɔ ngɛ Gilgal.

Yoshua 10:17

Nɔ ko ya na mɛ ngɛ lejɛ ɔ, nɛ e ba bɔ Yoshua he nɛ matsɛmɛ enuɔ ɔmɛ ya laa a he ngɛ ɔ.

Yoshua 10:5

Amor matsɛmɛ enuɔ ɔmɛ pee kake kɛ ya sá Gibeon ma a yi, nɛ a tua ma a. Matsɛmɛ nɛ ɔmɛ ji: Yerusalem matsɛ, Hebron matsɛ, Yarmut matsɛ, Lakish matsɛ, kɛ Eglon matsɛ.

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.

Manyadali 6:2

Midian bi ɔmɛ wa Israel bi ɔmɛ yi mi. Midian bi ɔmɛ a he je ɔ, Israel bi ɔmɛ ya tsua muɔhi, tɛ puɔhi, kɛ laami he kpahi kɛ ha a he ngɛ yo ɔmɛ a nɔ.

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.

Samuel I, 24:8

David hu je kpo kɛ je tɛ puɔ ɔ mi, nɛ e kpa huhui kɛ tsɛ Saul yi se, nɛ e de ke, “Ye nyɔmtsɛ matsɛ!” Nɛ benɛ Saul plɛ nɛ e hyɛ e se ɔ, David kpla si nɛ e kɛ e hɛ mi bu si ngɛ zugba kɛ tsɔɔ bumi.