Yoshua 10:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ pu ɔ da si, nɛ nyɔhiɔ ɔ hu mimiɛ we e he kɛ ya su be nɛ Israel ma a ye a he nyɛli ɔmɛ a nɔ. A ngma nɔ́ nɛ ɔ ngɛ Yashar Womi ɔ mi. Pu ɔ da si ngɛ hiɔwe ligbi mluku kake, nɛ e ya nɔɛ si.

Yoshua 10:13 ပူးပေါင်းရင်းမြစ်များ

Samuel II, 1:18

nɛ e fa kaa a tsɔɔ Yuda bi ɔmɛ tsuo. A ngma la nɛ ɔ ngɛ Yashar Womi ɔ mi. E la ke,

Matsɛmɛ II, 20:10

Hezekia he nɔ ke, “E wɛ kulaa kaa o ma ha nɛ nini ɔ nɛ ya e hɛ mi nane hiami nyɔngma; ha nɛ e ba se nane hiami nyɔngma.”

Ester 8:13

Mlaa a tsɔɔ kaa á fiɛ blɔ nya tomi nɛ ɔ ngɛ nɔ yemi he ɔmɛ, bɔ nɛ pee nɛ Yuda bi ɔmɛ tsuo nɛ a dla a he kɛ to, konɛ ke be ɔ su ɔ, a kɛ a he nyɛli ɔmɛ nɛ hwu, nɛ a kɛ ye a he lue.

Hiob 9:7

E nyɛɔ faa nɛ pu ti si, nɛ dodoehi hu kpɛ we.

La 148:3

Pu, kɛ nyɔhiɔ, nyɛ je e yi! Nyɛ dodoehi tsuo nɛ kpɛɔ, nyɛ je e yi!

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 38:8

Ma ha nɛ nini ɔ nɛ ngɛ pu ngmlɛ nɛ Matsɛ Ahaz pee ɔ nɔ ɔ nɛ kpale kɛ ba se nane hiami nyɔngma.” E ba mi ja; niinɛ Yawɛ ha pu ɔ kpale e se, nɛ nini ɔ nɛ ngɛ pu ngmlɛ ɔ nɔ ɔ kpale e se nane hiami nyɔngma nɛ e nyɛɛ momo ɔ.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Yoel 3:15

Pu kɛ nyɔhiɔ maa wo diblii, nɛ dodoe ɔmɛ be kpɛe hu.

Habakuk 3:11

Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.

Mose IV, 21:14

Enɛ ɔ he je ɔ, a deɔ ngɛ Yawɛ Tahi Womi ɔ mi ke, “Wa ya be ngɛ Waheb ngɛ Sufa, kɛ Arnon nyu dɔ ɔmɛ a he,

Mose IV, 31:2

“Yaa nɛ o ya gbla Midian bi ɔmɛ a tue ngɛ nɔ́ nɛ a pee Israel bi ɔmɛ ɔ he. Lɔ ɔ se ɔ, o ma gbo.”

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

Ni Tsumi 2:20

Pu maa tsɔ diblii, nɛ nyɔhiɔ ma pee tsutsuutsu kaa muɔ loko Nyɔmtsɛ ɔ ligbi nguaa nɛ ngɛ gbeye ɔ maa ba.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Yoshua 10:14

Nɔ́ nɛ ba nɛ ɔ, kaa Yawɛ bu nɔmlɔ kake kue fami tue, nɛ e ha pu kɛ nyɔhiɔ nyɛ da si nɛ a nyɛɛ we ɔ, eko bɛ hyɛ. Yawɛ hwu ta ha Israel!

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Manyadali 16:28

Kɛkɛ nɛ Samson fa kue ha Yawɛ ke, “Yawɛ Nyɔmtsɛ, i kpa mo pɛɛ, mo kai mi jehanɛ. Mawu lee, mo ha mi ye he wami ɔ si kake nɛ ɔ pɛ, konɛ ma ye ye he lue ngɛ Filisti bi ɔmɛ a nɔ, ngɛ ye hɛngmɛ enyɔ ɔmɛ a he.”

Manyadali 5:2

Nyɛ je Yawɛ yi! Israel nikɔtɔma amɛ nyɛɛ ma a hɛ mi, nɛ ma a ngɔ a he ha kɛ bua jɔmi.