Yoshua 10:12 - BAIBLO ALOO NGMAMI KLƆUKLƆU Ɔ

¹² Jamɛ a ligbi ɔ nɛ́ Yawɛ ha Israel ye Amor bi ɔmɛ a nɔ kunimi ɔ, Yoshua kɛ Yawɛ tu munyu ngɛ Israel bi ɔmɛ a hɛ mi, nɛ e de ke, “Pu, da si ngɛ Gibeon, nɛ mo nyɔhiɔ hu, da si ngɛ Aiyalon kɔ̃ ɔ mi.”

Yoshua 10:12 ပူးပေါင်းရင်းမြစ်များ

Samuel II, 2:12

Ligbi ko ɔ, Ner bi Abner, kɛ Saul bi Ishboshet tsɔli ɔmɛ hia kɛ je Mahanaim kɛ ho Gibeon ya.

Matsɛmɛ II, 20:10

Hezekia he nɔ ke, “E wɛ kulaa kaa o ma ha nɛ nini ɔ nɛ ya e hɛ mi nane hiami nyɔngma; ha nɛ e ba se nane hiami nyɔngma.”

Matsɛmɛ II, 20:11

Gbalɔ Yesaya fa kue ha Yawɛ, nɛ Yawɛ ha nɛ nini ɔ nɛ ngɛ pu ngmlɛ ɔ nɛ Matsɛ Ahab pee ɔ nɔ ɔ kpale kɛ ba se nane hiami nyɔngma.

Matsɛmɛ II, 20:9

Yesaya he nɔ ke, “Yawɛ ma ha mo okadi nɛ e kɛ tsɔɔ kaa si nɛ e wo mo ɔ, e maa ye nɔ. Anɛ o suɔ kaa nini ɔ nɛ ngɛ pu ngmlɛ ɔ nɔ ɔ nɛ ya e hɛ mi nane hiami nyɔngma, aloo e ba se nane hiami nyɔngma lo?”

Kronika I, 8:13

Beria kɛ Shema ji we puɔ nya dali komɛ. A hi Aiyalon, nɛ a fie Gat bi ɔmɛ kɛ je a ma a mi.

Kronika II, 11:10

Zora, Aiyalon, kɛ Hebron.

Hiob 9:7

E nyɛɔ faa nɛ pu ti si, nɛ dodoehi hu kpɛ we.

La 148:3

Pu, kɛ nyɔhiɔ, nyɛ je e yi! Nyɛ dodoehi tsuo nɛ kpɛɔ, nyɛ je e yi!

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

La 74:16

Mo lɛ o bɔ nyɔ kɛ pia, nɛ o ngɔ pu kɛ hlami ngɔ to a blɔ hehi.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Yesaya 38:8

Ma ha nɛ nini ɔ nɛ ngɛ pu ngmlɛ nɛ Matsɛ Ahaz pee ɔ nɔ ɔ nɛ kpale kɛ ba se nane hiami nyɔngma.” E ba mi ja; niinɛ Yawɛ ha pu ɔ kpale e se, nɛ nini ɔ nɛ ngɛ pu ngmlɛ ɔ nɔ ɔ kpale e se nane hiami nyɔngma nɛ e nyɛɛ momo ɔ.

Yesaya 60:20

O kɔmɔ yemi ligbi ɔmɛ a se maa po. Imi Yawɛ nitsɛ ma pee la ha mo kɛ maa ya neneene; pu kɛ nyɔhiɔ lɛɛ a se maa po.

Yeremia 28:1

Jamɛ a jeha a nɔuu mi ɔ, Azur bi Hanania, gbalɔ ɔ nɛ je Gibeon ɔ kɛ mi tu munyu ngɛ Yawɛ we ɔ. Yuda matsɛ, Zedekia yi nɔ jeha eywiɛne ɔ we nyɔhiɔ nɛ ji enuɔ ɔ mi sane ji nɛ ɔ nɛ. Ngɛ osɔfo ɔmɛ, kɛ ma a tsuo a hɛ mi ɔ, Hanania de mi ke,

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Habakuk 3:11

Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

Yoshua 10:13

Kɛkɛ nɛ pu ɔ da si, nɛ nyɔhiɔ ɔ hu mimiɛ we e he kɛ ya su be nɛ Israel ma a ye a he nyɛli ɔmɛ a nɔ. A ngma nɔ́ nɛ ɔ ngɛ Yashar Womi ɔ mi. Pu ɔ da si ngɛ hiɔwe ligbi mluku kake, nɛ e ya nɔɛ si.

Yoshua 19:42

Shaalbim, Aiyalon, Itla,

Yoshua 21:24

Aiyalon, Gatrimon, kɛ a he lohwe lɛmi zugbahi.

Manyadali 12:12

Lɔ ɔ se ɔ, e ba gbo; nɛ a pu lɛ ngɛ Aiyalon, ngɛ Zebulun zugba a nɔ.

Manyadali 5:20

Dodoehi po hwu ta ngɛ hiɔwe; a je a blɔ hehi nɛ a kɛ Sisera ba hwu ta.

Samuel I, 12:18

Kɛkɛ nɛ Samuel fa kue ha Yawɛ, nɛ Yawɛ ha hiɔwe si, nɛ hiɔmi nɛ jamɛ a ligbi ɔ. Nɛ ma a tsuo ye Yawɛ kɛ Samuel gbeye wawɛɛ nitsɛ;

Samuel I, 14:31

Jamɛ a ligbi ɔ, Israel bi ɔmɛ gbe Filisti bi ɔmɛ kɛ je Mikmash hluu kɛ ya su Aiyalon tɔɔ; nɛ Israel bi ɔmɛ pee gbedee kɛ hwɔ.