Yoshua 10:11 - BAIBLO ALOO NGMAMI KLƆUKLƆU Ɔ

¹¹ Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Yoshua 10:11 ပူးပေါင်းရင်းမြစ်များ

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Samuel II, 18:8

Ta a gbɛ fĩa lejɛ ɔ zugba a nɔ tsuo, nɛ nimli babauu a hɛ mi kpata ngɛ hue ɔ mi jamɛ a ligbi ɔ pe ni nɛmɛ nɛ gbo ngɛ klaate nya po.

Hiob 38:22

Hehi nɛ i toɔ snoo, kɛ gbiɛ ngo ngu ngɛ ɔ, o ya lejɛ ɔmɛ hyɛ lo?

Hiob 38:23

I ngɔ mɛ ngɔ to lejɛ ɔ ngɛ haomi, loo ta nɛ maa ba he.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

La 147:17

E haa gbiɛ ngo ngu nɛɔ kaa dongo tɛ. Mɛnɔ ma nyɛ maa da e fĩɛ ɔ nya?

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Ezekiel 13:11

De ni nɛmɛ nɛ ngɔ kalo kɛ ngɛ gbogbo ɔ he kpae ɔ ke gbogbo ɔ maa nɔ si oo! Hiɔmi maa nɛ wawɛɛ; gbiɛ ngo ngu agbohi ma pue si, nɛ ahumi maa fia.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Manyadali 5:20

Dodoehi po hwu ta ngɛ hiɔwe; a je a blɔ hehi nɛ a kɛ Sisera ba hwu ta.