Yoshua 1:9 - BAIBLO ALOO NGMAMI KLƆUKLƆU Ɔ

⁹ Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 1:9 ပူးပေါင်းရင်းမြစ်များ

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 39:2

Yawɛ gbaa Yosef nɛ e ya nɔ ngɛ nɔ́ tsuaa nɔ́ mi; nɛ e sɔmɔ ngɛ e we Egipt nyɔmtsɛ ɔ we ɔ mi.

Mose I, 39:3

Benɛ Yosef nyɔmtsɛ ɔ na kaa Yawɛ gbaa Yosef, nɛ e haa e yeɔ manye ngɛ nɔ́ tsuaa nɔ́ mi ɔ,

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika II, 15:7

Se nyɛɛ lɛɛ, nyɛ wlua nyɛ! Nyɛ ko ha nɛ nyɛ nine mi nɛ je wu, ejakaa ní tsumi nɛ nyɛ ngɛ tsue ɔ, nyɛ ma na he hiɔwo.”

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yesaya 43:5

Koo ye gbeye, imi nitsɛ i kɛ mo ngɛ! “Ma bua o nina nya kɛ maa je beleku je, kɛ bonyoku je kɛ maa ba we.

Yesaya 8:12

“Koo piɛ ni ɔmɛ a he kɛ to a ga amɛ, nɛ níhi nɛ mɛɛ a yee gbeye ɔ, koo ye gbeye.

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Ni Tsumi 4:19

Se Petro kɛ Yohane he nɔ nɛ a de mɛ ke, “Ke e da blɔ ngɛ Mawu hɛ mi kaa a bu nyɛ mohu tue pe Mawu ɔ, nyɛɛ kojo.

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Mose V, 31:28

Nyɛɛ kpee nyɛ wɛtsoyi ɔmɛ, kɛ tsɔli ɔmɛ kɛ ba, konɛ ma de mɛ ní nɛ ɔmɛ. I ma tsɛ hiɔwe kɛ zugba nɛ a ye odase kɛ si mɛ.

Yoshua 1:10

Jehanɛ, Yoshua fa ma a nɔ hyɛli ɔmɛ ke

Yoshua 1:17

Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.

Yoshua 1:18

Nɔ tsuaa nɔ nɛ ma tsɔ o hɛ mi atuã, nɛ e be mo tue bue ɔ, a gbe lɛ. Moo lɛɛ o he nɛ wa, nɛ o pee kã saminya kɛkɛ.”

Yoshua 10:25

Jehanɛ, Yoshua de ma a ke, “Nyɛ ko ye gbeye, nɛ nyɛ ko nu sawale hulɔ. Nyɛ he nɛ wa, nɛ nyɛɛ pee kã; ejakaa kikɛ nɛ ɔ Yawɛ maa pee nyɛ he nyɛli ɔmɛ tsuo!”

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

Yoshua 8:1

Jehanɛ, Yawɛ de Yoshua ke, “O kɛ tabo ɔ tsuo nyɛɛ kuɔ yo ɔ kɛ ya Ai. Sawale kó nu mo, nɛ o tsui kó po hulɔ. Ma ha o maa ye Ai matsɛ ɔ, kɛ e ma a a nɔ, nɛ zugba a tsuo maa pee nyɛ nɔ.

Manyadali 6:14

Kɛkɛ nɛ Yawɛ hyɛ lɛ, nɛ e de lɛ ke, “Yaa, nɛ o kɛ o he wami nɛ ɔ ya kpɔ Israel kɛ je Midian dɛ mi. Imi nitsɛ lɛ i tsɔ mo!”

Samuel I, 10:7

Ke ní nɛ ɔmɛ tsuo ba mi ɔ, nɔ́ tsuaa nɔ́ nɛ Mawu ma de mo ke o pee ɔ, moo pee; ejakaa e kɛ mo ngɛ.